SAMUEL 1 3:10 - Alkitab Singog In Mongondow Masa In Tanaa

¹⁰ Onda intua namangoidon in ki Tuhan, bo sinimindog kon tampat tatua poḷat nogoiní bui, “Samuel, Samuel!” Bo ki Samuel in notubag, “Pogumandon, Tuhan, indongoganbí in mogogundoi-Mu naa.”

SAMUEL 1 3:10 Iomraidhean Croise

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”

SAMUEL 1 12:2

Nongkon tanaadon mako siadon in mobaḻí itoi monimu. Indoiaidon, akuoi naa in nogoguyangdon bo inubanandon. Noonggotdon totok in akuoi in nobaḻí itoi monimu – pinangkoipa kon akuoi nobagupa nodapot in tanaa mako. Nobaḻí bukti kon tua in ki adíku mita in komintandon nongoḷantud.

SAMUEL 1 3:11

Bo nogumandon in ki Tuhan kon inia, “Mogaidon in Akuoi kon inta totok in motoyang kon intau in Israel, dá bayongan in intau inta mokodongog kon tua in motoboḻingodon.

SAMUEL 1 3:15

Nopaḷut mako kon tua ki Samuel nosiugdon bui, bo naonda in doḷo-doḷom nobangon in sia bo nomukat kon ḷoḻingkop mita in Baḷoi i Tuhan. Moondok in sia in mopotaau kon i Eli kon onu inta inontongnea tatua,

SAMUEL 1 3:8

Kon intoḷuneadon ki Tuhan nogoiní kon i Samuel; bo nobangondon in ki Samuel bo minayá nokipodungkuḷ kon i Eli poḷat noḻibó, “Nongonu Amá? Nongonu sin mogoiní in ki Amá kon inakó?” Kon dodaidon intuata kinotaauandon i Eli kon ki Tuhanbí in nogoiní kon adí tatua.

SAMUEL 1 3:9

Tuamai noguman in sia kon i Samuel, “Posiugdon bui uḻe, bo aka iko bui oiníon yo pogumandon nanaa, ‘Pogumandon, Tuhan, indongoganbí in mogogundoimu naa.’ ” Bo buidon minayá in ki Samuel kon tampat pinosiugannea.