SAMUEL 1 26:8 - Alkitab Singog In Mongondow Masa In Tanaa

⁸ Bo noguman in ki Abisai kon i Daud, “Ki Allah in noposarakan in musungmu kon inimu in doḷom naa. Ogoidon in akuoi mopopakú in pandongnea tontaní kon awaknea poḷambaion in butá, ḻimodonku in sia takin tongá komintan tumbukon, dikadon dapot in kodua!”

SAMUEL 1 26:8 Iomraidhean Croise

SAMUEL 2 16:9

Ki Abisai ki ai-ai i Yoab adí i Zeruya, in noguman kon i datu, “Nongonu sin pomayábí mako i Tuang in mononuyayow tatua mogodi-godimai kon i Tuang? Pomayádon mako in bobantung naa mongingguḷu kon inia!”

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

YEREMIA 40:15

Bo inumado-adop noguman in ki Yohanan kon i Gedalya, “Biódon mako bayáanku ḻimodon in ki Ismael; diábí tobatúmai in intau in mokotaau kon ki ine in noḻimod. Nongonu sin mustibí pomayá mako in sia in moḻimod kon inimu? Tua in mokopopisíbí kon bayongan in intau in Yohuda inta ain noyosipun kon naa takinmu, moiraritdon bui, bo tua in mokorimumudbí kon bayongan in rayat inta ki agatnea kon Yohuda.”

NAHUM 1:9

Tomayá onuka in pomiaanmu moḷawang kon i Tuhan, notantúbí kon diá motuoi. Diábí in Sia motuḻí kon yaat in gina-Nea modapot in kodua noguntuḷ kon musung-Nea mita.

SURAT I PAULUS KON JAMAAT RUM 11:32

Sin ki Allah in nopomayádon mako kon bayongan intau kinawasadon in aid mita inta diá motoindudui, sinbá Sia in motaau mopoontong in tabi-Nea kon i monia komintan.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

HAKIM MITA 1:4

bo i Yohuda noparang noyotakin. Bo pinopountung i Tuhan in mosia nongkon intau mita in Kanaan bo intau in Peris. Mopuḷú noribu in tontara in musung in minatoi kon Bezek.

SAMUEL 1 23:14

Nopaḷut mako kon tua ki Daud in nogutun kon angob mita kon buḷud kon padang gurun Zip. Sia in umuran aḷo-aḷowan mako i Saul, táe diábí i Tuhan inogoi in sia kon i datu tatua.

SAMUEL 1 24:4

Dá noyaputdon in ki Saul kon diug in tongonumai in ḷantung in domba kon bingkí in daḷan. Kon tua oyúon doman in angob tobatú, bo sinumuot in ki Saul sin tumapang. Noitongkanádon totok kon ki Daud bo intaunea mita in nogadop kon tua doman, noḻin akopa topí.

SAMUEL 1 24:5

Bo intau i Daud in nogumandon kon inia, “Naadon in kasampatan i Amá! Sin ki Tuhan aindon noguman kon i Amá nanaa, ‘Musungmu in posarakan-Kubí kon inimu, poaidon kon inia kinooibogmubí!’ ” Onda intua ki Daud inumadop bo minayá in tampat i Saul bo poḷat nomongkó kon topiḻikmai in bingkí in jubah i Saul.

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.

SAMUEL 1 26:7

Dá doḷom tua in ki Daud bo ki Abisai inumadop bo sinumuot kon bonu in ḷoḷaigan tatua bo nokoontong kon ki Saul in nosiug kon yuak in ḷoḷaigan, pandongnea in pinopopatoknea kon butá kon diug in uḷunea. Ki Abner bo tontaranea mita in nosiug kon ḻibumai i Saul.

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.