SAMUEL 1 26:7 - Alkitab Singog In Mongondow Masa In Tanaa

⁷ Dá doḷom tua in ki Daud bo ki Abisai inumadop bo sinumuot kon bonu in ḷoḷaigan tatua bo nokoontong kon ki Saul in nosiug kon yuak in ḷoḷaigan, pandongnea in pinopopatoknea kon butá kon diug in uḷunea. Ki Abner bo tontaranea mita in nosiug kon ḻibumai i Saul.

SAMUEL 1 26:7 Iomraidhean Croise

KINOBAḺIAN 45:19

Pokidiaai domandon in mosia in tongonumai in kereta sin takoian i buḷoi bo adí mita monia inta nongointokpa, bo monontomu kon i amá monia.

SAMUEL 1 17:20

Nobangon monik, doḷo-doḷom, ki Daud nobangon bo nonouḷut. Dombanea in pinoki ḷukadnea kon moḷoḷukad tobatú, onda intua nogamá in sia kon tongkaaḷnea bo minayá, podudui in parenta i amánea. Sia in nodapot kon pinononḷoḷaigan kon dodai in intau in Israel mobuat mayá in tampat popoparangan sindaḷan momaḷú in parenta moparang.

SAMUEL 1 26:6

Onda intua ki Daud noḻibó kon i Ahimelek intau in Het tatua, bo kon i Abisai utat i Yoab (ki iná monia in ki Zeruya), “Ki ine in mokobaḻí tumuot takinku kon bonu in ḷoḷaigan i Saul?” Ki Abisai notubag, “Akuoi!”

SAMUEL 1 26:8

Bo noguman in ki Abisai kon i Daud, “Ki Allah in noposarakan in musungmu kon inimu in doḷom naa. Ogoidon in akuoi mopopakú in pandongnea tontaní kon awaknea poḷambaion in butá, ḻimodonku in sia takin tongá komintan tumbukon, dikadon dapot in kodua!”