SAMUEL 1 26:6 - Alkitab Singog In Mongondow Masa In Tanaa

⁶ Onda intua ki Daud noḻibó kon i Ahimelek intau in Het tatua, bo kon i Abisai utat i Yoab (ki iná monia in ki Zeruya), “Ki ine in mokobaḻí tumuot takinku kon bonu in ḷoḷaigan i Saul?” Ki Abisai notubag, “Akuoi!”

SAMUEL 1 26:6 Iomraidhean Croise

KINOBAḺIAN 10:15

Ki adí mita i Kanaan, in ki Sidon in guya-guyang, bo ki Het.

KINOBAḺIAN 15:20

Het, Peris, Repaim,

KINOBAḺIAN 23:3

Nopaḷut mako kon tua ki Abraham nonaḷámai kon mayat i buḷoinea bo minayá kon intau mita in Het, inta nogutun kon butá kon tua. Sia in noguman,

KINOBAḺIAN 26:34

Tungkuḷ in ki Esau umurdon opat nopuḷú notaong, sia in nonika takin mongodeaga doyowa nongkon suku bangusa Het, tangoi monia ki Yudit ki adí i Beeri, bo ki Basmat ki adí i Elon.

SAMUEL 2 11:21

Kinoḻiongandon degá monimu kon naonda in ki Abimelek adí i Gideon tua kinoḻimodan kon Tebes? Kinotaauan bidon monimu kon sia tua in minatoi sin bobay tobatú in nopogonag in batu poḷoḻintogan kon topong kon inia nongkon dinding tatua! Dá nongonu sin moiko in totokbí in dinimiug kon dinding tatua?’ Aka moḻibó natua in ki Datu, yo pogumandon kon inia, ‘Ki Uria porwira i Tuang, noitakin doman minatoi!’ ”

SAMUEL 2 11:24

Onda intua nongkon tudu in dinding mosia nopopiot in piot monia kon inami, bo tongonumai in porwira i Tuang in minatoi bo noitakin domandon in ki Uria in minatoi.”

SAMUEL 2 11:6

Dá ḷagidon in ki Daud nokidia in parenta kon i Yoab, kainia, “Potabápa mangoi in ki Uria intau in Het tatua mamangoi kon inakó.” Dá pinotabádon i Yoab in ki Uria tua namangoi nokipodungkuḷ kon i Daud.

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

SAMUEL 2 18:5

Bo nomarenta in ki datu kon i Yoab, kon i Abisai bo kon i Itai, kainia, “Dika tompaḻían monimu in ki Absalom tayowmobiag tatua sin monorop kon inakó.” Bayongan in tontara nokodongogbí kon parenta tatua.

SAMUEL 2 2:13

Ki Yoab (inta ki Zeruya in tangoi i inánea) in noyotakin doman in intau i Daud nopobayá doman in kotá tatua. Doyowa nopaanan in noyodungkuḷ kon tabang Gibeon; Ki Abner bo intaunea mita in iḻimitú kon ḷoḷan magí, ki Yoab takin intaunea mita in kon ḷoḷan mako.

SAMUEL 2 2:18

Ki Adí i Zeruya taya toḷu in kon tua doman, inta ki Yoab, ki Abisai bo ki Asael. Ki Asael naa in pororibatuknea in moḻikat naonda bo rusa,

SAMUEL 2 23:18

Toḷu nopuḷú in porwira inta ponango-nangoian tatua sinangoian doman “Tridasawira”. Mosia tua in kon bonu in tongganut i Abisai ai-ai i Yoab, adí i Zeruya. Nokoimontandon in sia noḻimod kon 300 in intau tongá nopomaké in pandongnea. Tuamai in nobaḻí in sia ponango-nangoian. Táe sia in diábí ná kotoyang in “Triwira”.

DATU MITA IMITÁNEA 10:29

bo kereta mita in parang in dinia mangoi nongkon Mesir. Boḻi in kabaḷo tobatú in 150 in doit saḷaka, bo boḻi in kereta in parang tobatú in onom nogatut in doit in saḷaka. Onda intua pinongin pongusaha mita tatua doman kabaḷo mita bo kereta mita in parang tatua pinotaḷui bui kon datu mita in Het bo datu mita in Siria.

DATU MITA 2 7:6

Sin, ain binaḻí i Tuhan intau mita in Siria nokodongog kon singog naonda bo ponubuan in paanan in tontara inta mobarong totok inta sinumakoi kon kabaḷo bo kereta. Intau mita in Siria tua in norai kon ki datu in Israel ain nonondan kon i datu in Het bo Mesir takin tontaranea sin monubu kon i monia.

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

SAMUEL 1 26:7

Dá doḷom tua in ki Daud bo ki Abisai inumadop bo sinumuot kon bonu in ḷoḷaigan tatua bo nokoontong kon ki Saul in nosiug kon yuak in ḷoḷaigan, pandongnea in pinopopatoknea kon butá kon diug in uḷunea. Ki Abner bo tontaranea mita in nosiug kon ḻibumai i Saul.