SAMUEL 1 26:12 - Alkitab Singog In Mongondow Masa In Tanaa

¹² Dá ki Daud nogamádon kon pandong bo tampat in tubig i Saul tatua inta kon uḷuan i Saul, bodongka minayá. Diábí tobatúmai in intau in nokoontong kon tua andeka nonotaau kon onu inta nobaḻí, andeka noibangon, sin pinopoḷoḷotdon i Tuhan in mosia komintan.

SAMUEL 1 26:12 Iomraidhean Croise

KINOBAḺIAN 15:12

Naonda in mata in singgai ain momangkoi tumoyop, ki Abram in noḷoḷot. Bo daḻíbí in sia inagían totok in ondok.

KINOBAḺIAN 2:21

Bo pinopoḷoḷotdon totok i Tuhan Allah in intau tatua, bo noitongkaná in sia nosiug, ki Tuhan Allah in nogamá kon tuḷan gutuk tobatú nongkon awak in intau tatua, nopaḷut mako bui-Nea bo binonuan in tapú.

ESTER 6:1

Kon doḷom doman tatua ki datu diá nokosiug. Tuamai in pinoki gamánea in buk inta pinomaisan kon onu in nobaḻí kon dodatuan bo pinoki baca kon intau.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

SAMUEL 1 24:4

Dá noyaputdon in ki Saul kon diug in tongonumai in ḷantung in domba kon bingkí in daḷan. Kon tua oyúon doman in angob tobatú, bo sinumuot in ki Saul sin tumapang. Noitongkanádon totok kon ki Daud bo intaunea mita in nogadop kon tua doman, noḻin akopa topí.

SAMUEL 1 26:13

Bo ki Daud iḷumopot kon bingkí in ḷopá inta ibanea nodapot kon tudu totok in buḷud, bo noyayúdon in sia kon pinononḷoḷaigan i Saul.

SAMUEL 1 26:7

Dá doḷom tua in ki Daud bo ki Abisai inumadop bo sinumuot kon bonu in ḷoḷaigan tatua bo nokoontong kon ki Saul in nosiug kon yuak in ḷoḷaigan, pandongnea in pinopopatoknea kon butá kon diug in uḷunea. Ki Abner bo tontaranea mita in nosiug kon ḻibumai i Saul.