SAMUEL 1 23:3 - Alkitab Singog In Mongondow Masa In Tanaa

³ Táe intau i Daud in noguman kon inia, “Umpaka tongá kon naa, kon Yohuda, kami in totokdon in agían ondok, apa doman aka kita in musti mayá doman monubu kon tontara in Pilistin kon Kehila.”

SAMUEL 1 23:3 Iomraidhean Croise

MAZMUR 11:1

Kon i itoi in mododondong. Mazmur i Daud. Akuoi in noniung kon i Tuhan; diábí in mangaḻenea in moguman kon inakó, “Posaḷamatdon in awakmu naonda bo ḷagapan inta iḷumayug kon buḷud.

YEREMIA 12:5

Ki Tuhan in noguman, “Yeremia, aka iko in moḷopídon in motanding takin intau, yo umpaka dá iko in motanding in kabaḷo? Aka kon butá inta moaman iko moondok, yo onu in aidanmu aka iko kon kayuon modingungui kon bingkí in Yordan?

SAMUEL 1 23:15

Umpakabí natua táe ki Daud in moondokbí doman, sin ki Saul in moniat moḻimod kon inia. Kon wakutu tobatú ki Daud in kon Hores, kon padang gurun Zip.

SAMUEL 1 23:2

Bo noḻibódon in ki Daud kon i Tuhan, “Degá musti in akuoi mayá monubu kon intau in Pilistin?” “Oo,” tubag i Tuhan, “tubudon in mosia bo posaḷamatdon in intau mita in Kehila.”

SAMUEL 1 23:23

Dá taridiaidon kopira in angob mita inta ain nobaḻí tampat pinogadopannea, bo buidon angoi in naa bo potaau kon inakó. Bain akuoi in mayá moyotakin monimu, bo aka sia oyúonpa kon butá tatua, yo notantúbí kon bayáanku tayakon, umpakabí modapot in poguraatonku in bayongan in Yohuda!”

SAMUEL 1 23:26

Ki Saul bo tontaranea in minayá nongin bingkí in buḷud toḷosi bokaka tai Daud takin intaunea mita in kon bingkí kon dotá intua. Ki Daud iḻimikat in noḷagui kon i Saul inta nomangkoidon nongopung sin modomok kon i monia.

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”