SAMUEL 1 2:7 - Alkitab Singog In Mongondow Masa In Tanaa

⁷ Oyúon in intau in binaḻí-Nea nobiag nobogá, oyúon doman in binaḻí-Nea nobiag nooyúon. Oyúon in intau inta pinopoompá-Nea, oyúon doman in intau inta pinoḷantud-Nea.

SAMUEL 1 2:7 Iomraidhean Croise

DATU MITA 2 9:6

Onda intua taya dua sinumuot kon bonu in baḷoi, bo nabi inta nobagupa tatua in nopobutak in ḷana zaitun tatua kon uḷu i Yehu bo noguman, “Ki Tuhan Allah in Israel noguman, ‘Akuoi in noduí kon inimu nobaḻí datu kon umat-Ku Israel.

TAWARIKH 1 29:12

Bayongan in kaoyúonan bo kobiagan motompia nongkon ini-Mubí komintan; bayongan in yagi-yagi in kon bonubí in kawasa-Mu inta moropot tua; Ikobí in kitogi kawasa mopobaḻí kon inekabí in mobaḻí intau moḷoben bo moropot.

TAWARIKH 2 32:27

Ki Datu Hizkia in nobaḻídon nooyúon totok, bo ihoromat in bayongan intau. Nogaid in sia kon gopot mita sin potagúan kon kapunyaannea tuata: buḷawan, saḷaka, batu mita permata, pododungú mita, kaḻeaw bo pakakat mita inta koboḻi ibanea.

TAWARIKH 2 32:29

Koḻikud intua noposindog doman in sia kon nobayong in kotá. Kaoyúonan inta inogoi i Allah kon inia noiḻiudon in kobayongnea.

AYUB 1:21

bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

AYUB 40:12

Oo, bobuidon in intau inta mokaḷakuang, potungkudon in sia! Rimumudon in intau moraat kon tampatnea.

AYUB 5:11

Siabí in ki Allah inta nopoḷantud kon intau inta moompá in dodia, bo moposanang kon intau inta noyoyiga.

MAZMUR 102:10

Akuoi in mokaan kon ḷobud naonda bo roti, oinumonku noyobauk in ḷuá,

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

AMSAL 22:2

Intau nooyúon bo intau nobogá oyúon in notongkai kon monia: Ki Tuhanbí in nomaḻí kon i monia komintan.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YEREMIA 49:15

Poyangkóonbí i Tuhan in iko bo singkuḻeon in intau.

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.