SAMUEL 1 10:4 - Alkitab Singog In Mongondow Masa In Tanaa

⁴ Mosia in mopoyaputdon in salam kon inimu bo iko in ogoian monia in roti doyowa inta musti tarimaanmu.

SAMUEL 1 10:4 Iomraidhean Croise

HAKIM MITA 18:15

Bo mosia minayá in baḷoi i Mikha, baḷoi inta pinogutunan in tayowmobiag in Lewi tatua, bo noḻibó kon kaadaannea.

SAMUEL 1 10:3

Ki Samuel in noguman bui, “Nongkon tua iko in mongingguput kon bobayáanmu modapot kon pangkoi in kayu tampat pooibadaan kon Tabor. Kon tua iko in moyodungkuḷ in intau ḷoḷaki taya toḷu inta mopobayá in Betel sin moposumba in kuruban kon i Allah. Intau tobatú in nodia kon ki adí in bembé toḷu, inta tobatú doman in nodia kon roti toḷu, bo inta tobatú doman in nodia kon botutu kuḻit inta kon bonu in anggur.

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.

SAMUEL 1 16:20

Onda intua ki Isai noposadiadon in keledai tobatú, bo nopodatog in ki adí in bembé tobatú, roti bo botutu kuḻit inta binonuan in anggur kinopuḻing. Tua komintan in inogoinea kon i Daud sin ogoi mobaḻí sosumba kon i Saul.