SAMUEL 1 10:1 - Alkitab Singog In Mongondow Masa In Tanaa

¹ Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea:

SAMUEL 1 10:1 Iomraidhean Croise

SAMUEL 2 1:14

Guman i Daud, “Mokobaḻíbí totok in iko in moḻimod kon datu inta piniḻí i Tuhan!”

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

DATU MITA IMITÁNEA 1:34

Kon tua ki Zadok bo ki Natan in musti moduí kon inia mobaḻí datu in Israel. Mopaḷut mako kon tua moiko in musti mogirup kon torompet bo mobaḷu, ‘Mobiag in ki Datu Salomo!’

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

DATU MITA 2 9:1

Kon dodai intua ki Nabi Elisa nogoiní kon intau tobatú kon sigad in nabi mita inta sinundúnea bo noguman, “Posadiadon mayá in Ramot kon Gilead, bo diádon in botoḷ inta binonuan in ḷana zaitun tanaa.

DATU MITA 2 9:12

“Diápa, diábí kinotaauan nami!” tubag monia. “Potaaudon mangoi!” Tubag i Yehu, “Sia in nopotaau kon koyow i Tuhan kon akuoi in dinuí i Tuhan nobaḻí datu in Israel.”

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 78:71

nongkon tampat pinomiagan kon ki iná in domba, sin moḷukad kon Israel umat-Nea.

IḶUAIAN 30:23

“Pogamádon kon pododungú mita inta totok in mopia, onom nokilo in taḷong inta notontubig, toḷu nokilo in kayu manis, toḷu nokilo in túan mobondu, bo onom nokilo in kayu teja.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEHEZKIEL 16:13

Natuata iko iḷambáan in buḷawan bo saḷaka; pakeangmu pinomia nongkon kaeng linen bo sutra sinomboréan. Motaaubí in iko mokaan kon roti pinomia nongkon torigu inta totok in mopia, takin biluk bo ḷana in zaitun. Koḷunatmu noiḷontúdon totok bo iko in nobaḻídon bokí.

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

OUMAN IN RASUL MITA 13:21

Noidudui kon tua mosia noigum kon datu, dá inogoi i Allah in ki Saul, ki adí i Kish inta nongkon suku Benyamin. Opat nopuḷú notaong sia in nobaḻí datu.

ULANGAN 32:9

Táe buí i Yakub in tanaa piniḻí i Tuhan kon i-Nia tontaní.

TESALONIKA 1 5:26

Aher mako poyaputpa in salam nami kon bayongan utat pinodoyon kon totabian saḷaku intau inta mopirisaya kon i Kristus.

IBRANI 2:10

Totuu kon patus bidon in ki Allah inta nomia kon bayongan in yagi-yagi mopobayá in onu inta imakusud-Nea tontaní. Binaḻí-Nea in ki Yesus mopoposaḷamat inta nosompurna pinodoyon kon daḷan inta totok in moyoyiga. Tua in daya i Allah sinbá mobayong intau in motaau oiníon-Nea mayá in tampat inta mopia totok takin i Yesus. Sin Siabí in nobuká kon daḷan kon i monia sinbá mosia in motaau posaḷamaton.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”

SAMUEL 1 13:14

Táe tanaa kawasa i Tuang Datu saḷaku pomarenta in diá bidon mononoi. Popisí in ki Tuang Datu in diá dinumudui kon parenta i Tuhan, dá ki Tuhan in nomiḻídon kon intau ibanea inta kinoibog-Nea sin duíon mobaḻí datu kon umat-Nea.”

SAMUEL 1 15:1

Kon singgai tobatú ki Samuel noguman kon i Saul, “Ki Tuhanbí in nopotabá kon i nakó noduí kon i Tuang nobaḻí datu kon Israel umat-Nea. Tuamai, pokidongogbí in ki Tuang kon parenta i Tuhan Inta Totok in Mokawasa.

SAMUEL 1 15:17

Ki Samuel in noguman, “Tantú kinotaauanbí i Tuang Datu, kon umpakabí kon raianmu tontaní ki Tuang Datu naa in mointok táe binaḻí bidon itoi kon suku mita in Israel? Bo iko nion in binarakatandon i Tuhan nobaḻí datu kon Israel,

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”

SAMUEL 1 24:6

Táe nopaḷut mako, ki Daud nokorasa noitaḷádon sin ain nomia kon tua.

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.

SAMUEL 1 8:19

Táe bangusa tatua in doíbí mokidongogmai kon tosingogon i Samuel tua, nodapotdon in mosia noguman, “Biódon mako! Kami naa in moibog bidon in datu tobatú.

SAMUEL 1 8:9

Tuamai in duduiaidon onu inta pinoigum monia; táe ogoiaidon in mosia in tompoingat totu-totuu, bo potaau kon i monia naonda in popoaid i datu kon i monia.”

SAMUEL 1 9:16

“Ikoḷom doḷo-doḷom degá orasmai nanaa, Akuoi in mopotabádon mangoi kon intau tobatú nongkon suku Benyamin mamangoi kon inimu. Duídon in sia takin upacara popotoguḷuan in ḷana sin baḻíon datu kon umat-Ku Israel. Sia in moposaḷamat kon umat-Ku nongkon intau in Pilistin. Akuoi in nokoontongdon kon roriga in umat-Ku bo nokodongogdon kon ombaḷ monia mokituḷung.”

SAMUEL 1 9:27

Naonda in mosia nodapot kon bingkí in kotá, nogumandon in ki Samuel kon i Saul, “Potabádon in bobantung tatua mayá umuna kon i natonda.” Bo minayádon in bobantung tatua, bo ki Samuel noguman bui, “Pogogaipa motoyong kon naa, akuoi in mopotaaudon in koyow i Allah kon inimu.”