SAMUEL 1 1:1 - Alkitab Singog In Mongondow Masa In Tanaa

¹ Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.

SAMUEL 1 1:1 Iomraidhean Croise

DATU MITA IMITÁNEA 11:26

Intau ibanea inta nomarontak noḷawang kon i Salomo in pogawainea tobatú inta ki Yerobeam in tangoinea. Sia in ki adí i Nebat nongkon Zereda kon Epraim. Ki inánea in dongkadon boba-bobay, ki Zerua in tangoinea.

TAWARIKH 1 6:12

ki Zadok, ki Salum,

TAWARIKH 1 6:22

Pipidan in buí i Kehat in: ki Aminadab, ki Korah, ki Asir,

TAWARIKH 1 6:33

Pipidan in pinomuían in intau mita inta inogoian in oaidan tatua in noiduduimai naa: Nongkon inanakan i Kehat: ki Heman adí i Yoël. Sia in nobaḻí itoi kon intau mita inta mododondong inta imitánea. Pipidan in pinomuían nongkon ḻimonag bo pinoonik nodapot kon i Yakub in: ki Heman, ki Yoël, ki Samuel,

TAWARIKH 1 6:34

ki Elkana, ki Yeroham, ki Eliel, ki Toah,

MATIUS 27:57

Naonda in noungkoḷomdon, oyúon in intau inta nooyúon nongkon Arimatea, tangoinea in ki Yusup, sia in nobaḻídon murí i Yesus.

YOSUA 24:33

Onda intua ki Eleazar adí i Harun minatoi domandon, bo iḷobong kon Gibea, kotá inta noiukat kon buḷud i Epraim. Kotá tatua ain inogoi kon i Pinehas, adí i Eleazar.

HAKIM MITA 12:5

Intau mita in Gilead inta noparang tatua, nongawasadon kon tampat mita inta ḷoḷoḷanan kon Ongkag in Yordan, sinbá motaau moḷabot kon intau mita in Epraim inta moḷagui. Kon dodai in oyúon intau Epraim, inta moḷagui, bo mopoigum sinbá ogoipa ḷumoḷan, dá intau in Gilead moḻibó kon inia, “Degá iko naa intau in Epraim?” Aka sia motubag, “Deeman,”

HAKIM MITA 17:1

Oyúon in intau ḷoḷaki ki Mikha in tangoinea. Sia in nogutun kon buḷud kon butá in Epraim.

HAKIM MITA 19:1

Kon tungkuḷ in intau Israel diápa ko datu, oyúon in intau in Lewi nogutun kon tampat inta noyayú, kon ḻikudmai in buḷud in Epraim. Nogamá in sia kon bobay tobatú nongkon Betlehem Yohuda bo binaḻínea ki buḷoinea ibanea.

HAKIM MITA 4:5

Ki Debora in biasamai ḻimitú mako kon siungon in pangkoi in kurma, kon sigad in Rama bo Betel, kon buḷud in Epraim. Bo kon tuata in intau mita in Israel mamangoi mopoigum in tonggina kon inia.

SAMUEL 1 1:19

Nopoikoḷomai kon singgai ki Elkana takin motoḷuadínea nobangon doḷo-doḷom, bo naonda in noibada kon i Tuhan, nobuidon in mosia kon Rama. Dá ki Elkana in nosiugdon noyotakin i Hana, ki buḷoinea tatua, bo sinubagan i Tuhan in sambayang i Hana.

SAMUEL 1 17:12

Ki Daud tua in ki adí i Isai intau in Eprata, nongkon Betlehem kon Yohuda. Ki Isai naa in kogadí kon ḷoḷaki taya waḷu, kon tungkuḷ in ki Saul nomarenta, ki Isai in nogoguyangdon totok.

SAMUEL 1 2:11

Bo nobuidon in ki Elkana bo motoḷuadínea kon Rama, táe ki Samuel, adí tatua, in nogutundon kon Silo bo nogundoi kon i Tuhan kon bonu in totundú i Imang Eli.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.

SAMUEL 1 9:4

Bo ki Saul takin bobantungnea noḻibu kon buḷud in Epraim bo butá in Salisa, táe diá nouḻí monia in bobiagon mita tatua. Onda intua minayá in mosia kon butá Sahalim, táe diábí doman in keledai mita tatua in kon tua. Mosia in minayá doman notayak kon butá in Benyamin, táe diábí doman in mangaḻenea.

SAMUEL 1 9:5

Naonda in mosia noidapot kon butá in Zup, ki Saul noguman kon bobantungnea, “Koḻigai mobuidon in kita, dika-dika bo moajardon in gina i amá in moraimai kon inaton poḻiu kon keledai mita tatua.”