RUT 4:14 - Alkitab Singog In Mongondow Masa In Tanaa

¹⁴ Bobay mita in noguman kon i Naomi, “Dinayo-dayowdon in ki Tuhan! Sia in nobogoidon in ompu ḷoḷaki tobatú kon inimu kon singgai in naa sin moḷukad kon inimu. Poigumon mako adí tatua in mobaḻí intau moḷoben kon Israel!

RUT 4:14 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 29:35

Onda intua ki Lea sidiadon bui bo nopononggadí in adí ḷoḷaki. Gumannea, “Tanaa mako akuoi in modayowdon kon i Tuhan.” Bo sinangoianneadon in adí tatua ki Yohuda. Nopaḷut mako kon tua ki Lea diádon nononggadí.

LUKAS 1:58

Bo naonda in topodiugnea mita bo ginaḷumnea mita nokodongog kon ki Tuhan ain nopoontong in totabi-Nea inta totok in moḷoben, dá nopia totok in gina monia, natua doman gina i Elisabet.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.