RUT 4:13 - Alkitab Singog In Mongondow Masa In Tanaa

¹³ Dá ki Boas in nogamádon kon i Rut nobaḻí ki buḷoinea. Ki Tuhan in nomarakat kon i Rut dá nonogusiandon in sia bo nopononggadí in adí ḷoḷaki tobatú.

RUT 4:13 Iomraidhean Croise

KINOBAḺIAN 20:17

Binaḻí komintan i Tuhan bantó in bayongan bobay kon komaḻig i Abimelek pinopisí inta nobaḻí tatua kon i Sara, ki buḷoi i Abraham tatua. Bo ki Abraham in nosambayang kon i Allah, bo ki Allah nongundam bui kon i Abimelek, ki buḷoinea bo bobantungnea mita bobay, dá bobay mita tatua buidon nononggadí.

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 30:2

Ki Yakub sinumorú kon i Rahel bo noguman, “Akuoi naa in deemanbí ki Allah. Ki Allahbí tua in nopobaḻí kon inimu bantó.”

KINOBAḺIAN 33:5

Naonda in ki Esau nokoontong kon bayongan bobay takin adí mita tatua, sia in noḻibó, “Ki ine in mosia inta noyotakinmu tanaa?” “Mosia naa in ki adíku mita,” tubag i Yakub, “Ki Allah ain noponotabi in adí mita tatua kon inakó.”

MAZMUR 113:9

Sia in noponotabi in adí mita kon buḷoi bobay inta bantó nomaḻí kon inia iná inta noḷunganga in gina bo ihoromat kon baḷoinea. Dayowdon in ki Tuhan!

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

RUT 3:11

Tuamai, in dikadon moḻia-ḻiaw in ginamu Rut. Bayongan inta pinoigummu tua in daitonkubí pomiaan; sin bayongan in intau kon kotá tanaa ain nonotaau kon iko nion in bobaybí inta mopia in gina bo aid.

RUT 4:12

Poigumon mako adí mita inta ogoi i Tuhan kon inimu pinongin bobay inta noguodpa tanaa in mobaḻídon motoḷuadímu ná ki Peres, ki adí i Yohuda bo i Tamar.”

SAMUEL 1 1:27

Adí tanaa inta inigumku kon i Tuhan. Sambayangku in sinubagandon,

SAMUEL 1 2:5

Intau inta koḻipod nobotug sin nobarong in kaanon, tanaa in nobaḻídon intau totondanan mogaid tongá bá mokouḻí kon kaanon. Intau inta koḻipod ginogoi, tanaa in noguḻídon, tugatdon in kaanon. Buḷoi inta bantó, mopiadon in ginanea in tanaa, pitu in adí pinononggadíneadon! Táe ki iná inta mobayong in ki adínea, sinaḷáandon, biniódon mako natua.