RUT 4:12 - Alkitab Singog In Mongondow Masa In Tanaa

¹² Poigumon mako adí mita inta ogoi i Tuhan kon inimu pinongin bobay inta noguodpa tanaa in mobaḻídon motoḷuadímu ná ki Peres, ki adí i Yohuda bo i Tamar.”

RUT 4:12 Iomraidhean Croise

KINOBAḺIAN 38:29

Táe adí mointok tatua bui nogugut kon ḻimanea, bo adí mointok inta tobatú in muna noilahir. Onda intua intau mototuḷung kon ponononggadían tatua noguman, “Dá natuabí in aidmu mondodak ḷumuai!” Dá adí inta noilahir muna tatua sinangoian ki Peres.

KINOBAḺIAN 46:12

Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.

RUT 4:18

Bo naadon in pipidan inanakan i Daud, pinangkoi kon i Peres: Ki Peres, ki Hezron, ki Ram, ki Aminadab, ki nahason, ki Salmon, Ki Boas, ki Obed, ki Isai, ki Daud.

SAMUEL 1 2:20

Dá barakatan i Eli in Elkana bo ki buḷoinea, bo noguman in sia kon i Elkana, “Igumon mako buipa i Tuhan ogoian in adí mita in iko nongkon i buḷoimu tanaa, sin ponoḻiu kon adí inta ain inogoi monimu kon i Tuhan.” Nopaḷut mako kon tua nobuidon mosia kon Rama.