RUT 4:11 - Alkitab Singog In Mongondow Masa In Tanaa

¹¹ Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.

RUT 4:11 Iomraidhean Croise

KINOBAḺIAN 23:10

Kon dodai intua ki Epron ḻimitú doman mako takin intau mita in Het kon pinoyodungkuḷan kon ngara moḷoben in kotá. Bo takin koonto-ontong in bayongan intau kon tua, sia in notubag,

KINOBAḺIAN 29:16

Ki Laban naa in kogadí kon mongodeaga doyowa; guya-guyang tangoinea ki Lea, bo ki ai-ainea tangoinea in ki Rahel.

KINOBAḺIAN 29:25

Bain nobangon monik bo kinotaauannea kon ki Leabí in pinobuḷoinea. Bo minayádon in ki Yakub kon tayowon i Laban bo noguman, “Nongonu sin pomiaanmubí nanaa in akuoi? Akuoi in nogaid sinbá motaau motonibuḷoi i Rahel? Nongonu sin inuboḷanmubí in akuoi?”

KINOBAḺIAN 29:32

Ki Lea in sidiadon bo nopononggadídon in adí ḷoḷaki tobatú. Gumannea, “Ki Tuhan ain noindoi kon rorigaku, bo tanaa ki buḷoiku in motabidon kon inakó.” Bo sinangoianneadon in adí tatua ki Ruben.

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

KINOBAḺIAN 35:24

Ki adí mita i Rahel in ki Yusup bo ki Benyamin.

DATU MITA IMITÁNEA 21:8

Dá ki Izebel in nomais kon surat pinodoyon kon tangoi i Ahab bo cinapan in cap i datu. Surat tatua in pinoki atodnea kon itoi mita bo intau mita inta duduianmai kon ḻipú in Yizreel.

TAWARIKH 1 2:51

Ki Salma ki adínea nogindua in inta noposindog in kotá in Betlehem; bo ki Harep ki adínea inta nogintoḷu in inta noposindog in kotá in Bet-Gader.

MAZMUR 132:6

Kon Betlehem dinongog naton soaḷ Poti Dodandian, bo nouḻí kon rawang in Yaar.

AMSAL 14:1

Tonibuḷoi in pinosindog dinoyon kon kobobijaksana in bobay, táe irumbun in kobobodoknea.

AMSAL 31:23

Ki buḷoinea ḷoḷaki in intau inta ponango-nangoian intau tobatú kon sigad in itoi mita in kotá.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

MATIUS 2:6

Bo iko Betlehem, butá i Yohuda, iko in deemanbí totok in mointok kon sigad monia inta nomarenta kon Yohuda. Sin nongkon inimubí naa moisindog in tobatú intau inta mobaḻí itoi, Sia inta moḷukad kon bayongan umat-Ku kon Israel.”

ULANGAN 25:7

Aka intau tatua doí motonibuḷoi takin i baḷú i utatnea, dá bobay tatua in musti mayá kon tayowon in guhanga in kotá bo moguman, ‘Ki ipáku in doí mopobayá in oaidannea mobogoi kon i utatnea in buí tobatú kon sigad in bangusa Israel.’

ULANGAN 25:9

ki baḷú i utatnea in musti dimiug kon inia kon tayowon in guyanga mita in ḻipú kon kotá, mogamá kon silop in intau tatua, monduyá kon pogotnea bo moguman, ‘Nanaa in musti popoaid kon intau inta doí mobogoi in buí kon i utatnea.’