RUT 4:1 - Alkitab Singog In Mongondow Masa In Tanaa

¹ Ki Boas minayá in tampat pinoyodungkuḷan kon ngara moḷoben in kotá. Naonda in sia iḻimitú kon tua noitaḻibdon in ḷoḷaki tobatú inta kon raian i Boas sia tua in ginaḷum i Elimelekh inta totokpa in modagin. Bo inoiní i Boas in sia, “Utatku, koḻigai ḻimitúpa kon naa!” Intau tatua in namangoi, bo iḻimitú.

RUT 4:1 Iomraidhean Croise

KINOBAḺIAN 19:1

Naonda in nongkon i Abraham, malaekat doyowa tatua minayá in Sodom bo noyaput kon tua ain nodoḷomdon. Ki Lot ḻimitú mako kon ngara in kotá, bo naonda in nokoontong kon i monia, sinimindog in sia sin monontomu kon i monia. Bo dinumokódon in sia kon tayowon monia,

KINOBAḺIAN 23:10

Kon dodai intua ki Epron ḻimitú doman mako takin intau mita in Het kon pinoyodungkuḷan kon ngara moḷoben in kotá. Bo takin koonto-ontong in bayongan intau kon tua, sia in notubag,

KINOBAḺIAN 34:20

Onda intua ki Hemor bo ki Sikhem minayá kon tampat poyoyodungkuḷan kon ngara in kotá, bo nopotaau kon bayongan intau kon kotá monia, nanaa in guman monia tua:

SAMUEL 2 15:2

Pomuḷoi in singgai ki Absalom in mobangon doḷo-doḷom bo simindog kon bingkí in daḷan kon diug in ngara moḷoben in komaḻig. Pomuḷoi in intau inta mamangoi mopotaau in pelekaranea kon i datu, oiníon bo ḻibóon i Absalom, kainia, “Nongkon suku táonda in iko?” Bo aka intau tatua motubag, “Nongkon suku tanaa andeka tatua,”

TAWARIKH 2 18:9

Kon dodai intua ki Ahab bo ki Yosapat, takin nogiḷambung in ḷambung datu, iḻimitú kon kadera in dodatuan kon tampat poḷoḻintogan kon gandum kon muna in bonawang in Samaria, bo nabi mita in namangoi bo nopotaau in toḻindap monia.

AYUB 29:7

Aka guyanga mita in kotá ḻimitú moyotakin, bo mogamá in akuoi kon ḷoḻitúan kon sigad monia,

AYUB 31:21

Aka kuma bo akuoi in nokoimontandon nopororigamai kon uno-unon, sin moyakin kon mountungbí in kon pelekaraku,

MAZMUR 69:12

Akuoi in nopogidaing in karong nobaḻí tomponuot nonogumatoi, táe sinigid monia in akuoi.

AMSAL 31:23

Ki buḷoinea ḷoḷaki in intau inta ponango-nangoian intau tobatú kon sigad in itoi mita in kotá.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

ZAKHARIA 2:6

Ki Tuhan in noguman kon umat-Nea, “Akuoi in noporaritdon magí-mako kon i monimu kon bayongan in tampat. Táe tanaa intau mita inta sinokoḷumbú in poḷaguidon nongkon Babel bo pobuidon mangoi kon Yerusalem.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

ULANGAN 17:5

yo intau inta kotaḷá in musti diaan kon ḷuai in kotá bo ara bo in batu dapot in matoi.

ULANGAN 21:19

Dá guyanganea in musti modia kon inia kon guhanga mita in kotá inta pinogutunan monia bo mopoigum sinbá adí tatua in adilon.

ULANGAN 25:7

Aka intau tatua doí motonibuḷoi takin i baḷú i utatnea, dá bobay tatua in musti mayá kon tayowon in guhanga in kotá bo moguman, ‘Ki ipáku in doí mopobayá in oaidannea mobogoi kon i utatnea in buí tobatú kon sigad in bangusa Israel.’

YOSUA 20:4

Sia in motaaubí in moḷagui mayá in kotá tobatú kon sigad in kotá mita tatua, bo mayá in pongadilan kon ngara moḷoben in kotá tatua, bo moginsilang kon itoi mita kon tua onu inta ain nobaḻí. Itoi mita tatua in mobogoidon kon inia tumuot in kotá tatua, bo mobogoi in tampat pogutunannea.

RUT 3:12

Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.

RUT 3:18

Bo ki Naomi noguman, “Oḷatdon mako, adíku, modapot in koontonganmudon naonda in kopaḷutannea. Diábí in ki Boas ki bio-biómai aka diápa mopaḷutnea toḻisíon in pelekara tanaa kon singgai doman tanaa.”