RUT 3:9 - Alkitab Singog In Mongondow Masa In Tanaa

⁹ “Ki ine in iko?” iḻibónea. “Akuoi naa in ki Rut, Amá!” tubag i Rut. “Ki Amá in ginaḷum nami inta modagin inta musti moindoi kon kobiaganku. Aka motaau yo baḻídon in akuoi ki buḷoi i Amá.”

RUT 3:9 Iomraidhean Croise

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:10

“Poigumon mako ki Tuhan in momarakat kon inimu, adíku,” guman i Boas. “Potongkaiondon kon ná onu inta ain pinomiamu kon i guyámu, dá aidmu tanaa in moponiatadon in tabi inta moiḻiu kon tua bui. Iko in motaaubí in motayak kon buḷoi inta mongobagupa kon sigad in intau mita inta nooyúon bo inta nobogá, táe diábí inaidanmu intua.

RUT 3:12

Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.

RUT 3:8

Noonggotmai kon doḷom, ki Boas daḻí noibangon bo momuyow kon awaknea. Noitaḻikokog in sia sin nokoontong kon oyúonbí in bobay nosiug kon sioḷannea.

RUT 4:4

Bo rasaanku in mustibí kotaauanmu in tua. Aka moibog in iko motaḷui kon tua, yo pogumandon kon tayowon in intau mita inta iḻimitú kon naa. Aka diá, yo pogumandon moyogintayowan doman mako naa, sin tongábí kitada in oyúon hak kon tua; iko in muna-munamai, akuoi in nogindua.” Tubag in intau tatua, “Oo, taḷuionku intua.”

RUT 4:6

Tubag in intau tatua, “Aka natua, dá diá in akuoi mokosanggup. Dá tanaa in mopia-piabí kon ḷuatankudon in hakku saḷaku intau inta muna totok inta musti motaḷui kon butá tatua. Diá in mangaḻenea potaḷuianku kon tua sin butá tatua in notantúdon kon diábí mobaḻí kapunyaan in buíku. Maníka ikodon in motaḷui kon tua.”

SAMUEL 1 25:41

Sinimindog in ki Abigail bo sinumungkud poḷat noguman, “Akuoi naa in bobantung i Daud, diábí mobogat in ginaku in momatá kon sioḷ mita in bobantungnea mita.”