RUT 3:12 - Alkitab Singog In Mongondow Masa In Tanaa

¹² Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.

RUT 3:12 Iomraidhean Croise

MATIUS 7:12

Onu inta koibog monimu popoaid in intau kon i monimu yo popoaid domandon kon i monia intua. Tuadon bonu in bayongan atorang i Musa bo inta pinais kon buk in nabi mita.

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:11

Tuamai, in dikadon moḻia-ḻiaw in ginamu Rut. Bayongan inta pinoigummu tua in daitonkubí pomiaan; sin bayongan in intau kon kotá tanaa ain nonotaau kon iko nion in bobaybí inta mopia in gina bo aid.

RUT 3:13

Doḷom naa in posiugpa in iko kon naa. Ikoḷom doḷo-doḷom bain bayáanku ḻibóon mongo moibog in sia mopobayá in oaidannea tatua kon inimu andeka doí. Aka moibog in sia, dá mopia; táe aka doí in sia, dá modandi in akuoi podoyon kon i Allah inta nobiag, aidanku in onu inta mustiku aidan tatua. Tanaa in posiugdon iko kon naa dapot in doḷo-doḷom.”

RUT 4:1

Ki Boas minayá in tampat pinoyodungkuḷan kon ngara moḷoben in kotá. Naonda in sia iḻimitú kon tua noitaḻibdon in ḷoḷaki tobatú inta kon raian i Boas sia tua in ginaḷum i Elimelekh inta totokpa in modagin. Bo inoiní i Boas in sia, “Utatku, koḻigai ḻimitúpa kon naa!” Intau tatua in namangoi, bo iḻimitú.

RUT 4:4

Bo rasaanku in mustibí kotaauanmu in tua. Aka moibog in iko motaḷui kon tua, yo pogumandon kon tayowon in intau mita inta iḻimitú kon naa. Aka diá, yo pogumandon moyogintayowan doman mako naa, sin tongábí kitada in oyúon hak kon tua; iko in muna-munamai, akuoi in nogindua.” Tubag in intau tatua, “Oo, taḷuionku intua.”