RUT 3:10 - Alkitab Singog In Mongondow Masa In Tanaa

¹⁰ “Poigumon mako ki Tuhan in momarakat kon inimu, adíku,” guman i Boas. “Potongkaiondon kon ná onu inta ain pinomiamu kon i guyámu, dá aidmu tanaa in moponiatadon in tabi inta moiḻiu kon tua bui. Iko in motaaubí in motayak kon buḷoi inta mongobagupa kon sigad in intau mita inta nooyúon bo inta nobogá, táe diábí inaidanmu intua.

RUT 3:10 Iomraidhean Croise

KINOBAḺIAN 24:31

Bo ki Laban noguman, “Ki Amá inta binarakatan i Tuhan! Donaai tongá kon ḷuai naa. Koḻigai mayá in baḷoi nami. Ki Amá aindon pinosadiaan nami kon posiugan, bo unta mita i Amá ain doman pinosadiaan nami kon ḷantungnea.”

RUT 1:8

ki Naomi noguman kon i mototakanea doyowa tua, “Pobuidon in kamunda kon baḷoi i iná monimu. Poigumon mako ki Tuhan in mobogoi kon onu inta mopia kon i monimu ná doman kopopia monimu kon inakó bo kon i monia inta ain minatoi tua.

RUT 2:11

Ki Boas notubag, “Dinongogkudon in bayongan yagi-yagi inta ain pinopoaidmu kon i guyámu pinangkoipa kon ki buḷoimu minatoi. Kinotaauankubí kon iko ain nonaḷámai kon guyangamu bo kon butámu sin mamangoi mogutun kon naa moyotakin in intau mita inta diápa nogogintaauanmu.

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 2:4

Diá noonggot kon tua ki Boas namangoi nongkon Betlehem bo nopoyaput in tosingogon tanaa kon intau mita inta mororatab tatua, “Poigumon mako ki Tuhan kotaki-takin monimu,” Intau mita mororatab tatua in notubag, “Poigumon mako ki Tuhan momarakat kon i Amá.”

RUT 3:9

“Ki ine in iko?” iḻibónea. “Akuoi naa in ki Rut, Amá!” tubag i Rut. “Ki Amá in ginaḷum nami inta modagin inta musti moindoi kon kobiaganku. Aka motaau yo baḻídon in akuoi ki buḷoi i Amá.”

SAMUEL 1 15:13

Naonda in ki Samuel noyodungkuḷ i Saul, ki Saul noguman kon inia, “Poigumon mako ki Tuhan momarakat kon i Amá! Akuoi ain nogaid kon onu inta pinarenta i Tuhan.”