RUT 2:7 - Alkitab Singog In Mongondow Masa In Tanaa

⁷ Sia in nopoigum kon inakó sinbá ogoipa in sia dumuduianmai kon intau mita inta mororatab sin mopuyut kon gandum mita inta kino taḷaan. Nongkon doḷo-doḷompa in sia umuran nopuyut, bo bain tanaa in sia bo nogogai sin mopoguḻí in ḷopí motoyong kon ḷuḷung.”

RUT 2:7 Iomraidhean Croise

AMSAL 13:4

Intau maḷat mobayong in koibognea táe diábí tobatúmai in kodapotannea; intau inta totok in moḷongasi in mogaid mouḻínea in bayongan inta kinoibognea.

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

AMSAL 18:23

Intau bogá mopoigum takin pia-pia mako; intau nooyúon motubag takin torú.

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

MATIUS 5:3

“Pia in kamang in intau inta nobogá kon tayowon i Allah, sin mosia tua inta mobaḻí umat i Allah.

SURAT I PAULUS KON JAMAAT RUM 12:11

Tantú mokoporajing in mogaid, donaai mokopomaḷat. Pogaid kon oaidan i Tuhan takin ibog moḷoben inta nongkon Roho i Allah.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

EPESUS 5:21

Sin mohoromat kon i Kristus, dá moiko mustibí mosiduduian.

RUT 2:2

Kon singgai tobatú ki Rut noguman kon i Naomi, “Iná, ogoipa in akuoi mayá in gobá mopuyut kon gandum inta degá nopipik ande kinotaḷáan in mokokoyut mita. Rasaanku in oyúonbí in intau motabi bo mopomayá mako kon inakó mopuyut kon tua.” “Mopia, uḻe!” tubag i Naomi, “bayádon!”

RUT 2:21

Onda intua ki Rut noguman bui, “Iná, intau tatua in noguman doman kon akuoi in motaaubí tantú mopuyut kon gandum moyotakin in intaunea mita modapot in motoḻisí komintan in bungai in boyó kon gobánea.”

RUT 2:6

Intaunea tatua notubag, “Sia tua in bobay in bangusa in Moab inta bagu namangoi noyotakin i Naomi nongkon Moab.

RUT 2:8

Bo ki Boas noguman kon i Rut, “Indongogaipa muna uḻe. Dikadon in iko mayá mopuyut kon gandum kon gobá in intau ibanea. Popuyutdon kon naa moyotakin in intau mogogaidku mita inta bobay. Indoiai kon onda in bayáan monia porataban. Umurandon dudui kon i monia bo dika yumayú kon i monia. Aka moyogang in iko, yo pogamádon kon tubig nongkon tampat mita in tubig inta ain binonuan in mogogaid mita ḷoḷaki. Ain pinogumanku kon i monia kon dika monuyayow kon inimu.”