RUT 2:2 - Alkitab Singog In Mongondow Masa In Tanaa

² Kon singgai tobatú ki Rut noguman kon i Naomi, “Iná, ogoipa in akuoi mayá in gobá mopuyut kon gandum inta degá nopipik ande kinotaḷáan in mokokoyut mita. Rasaanku in oyúonbí in intau motabi bo mopomayá mako kon inakó mopuyut kon tua.” “Mopia, uḻe!” tubag i Naomi, “bayádon!”

RUT 2:2 Iomraidhean Croise

KINOBAḺIAN 32:6

Naonda in totabá mita tatua nobuidon mangoi kon i Yakub, mosia in noguman, “Kami ain minayá kon i Esau, ki guya-guyang i Tuang bo tanaa sia tayo-tayowdon mangoi sin motomu kon i Tuang. Sia in namangoi takin intaunea opat nogatut.”

IMAMAT 19:10

Dika mobui mayá in gobá in anggurmu sin mosipú bui kon bungai in anggur inta kinotaḷáan naonda in moiko nopaḷutdon nosipú muna. Ná doman tua bungainea mita inta ain noḷabú dikadon puyuton monimu. Pomayádon mako intua gamáan in intau mita nongobogá bo intau ango-angoi. Akuoi naa in ki Tuhan Allahmu.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

IMAMAT 19:9

Aka moiko mobatundon kon boyó, dikadon ratabon monimu in gandum inta nobiag kon bingkí mita in gobámu, bo dikadon mobui mayá mopuyut kon gandum inta kinotaḷáan kon dodai in pinorataban.

IMAMAT 23:22

Aka moiko monoḻisídon kon bungai in boyó, dikadon ratabon monimu in gandum inta nobiag kon bingkí mita in gobámu bo dikadon mobui mayá mopuyut kon inta kinotaḷáan kon pinokoyutan. Pomayádon mako intua kon intau mita inta nobiag nobogá bo kon intau ango-angoi. Ki Tuhan in ki Allahmu.

RUT 2:3

Dá minayádon in ki Rut kon gobá bo nopuyut kon gandum dumuduianmai kon intau mita inta noratab. Noitongkanábí in sia kon gobá i Boas.

RUT 2:7

Sia in nopoigum kon inakó sinbá ogoipa in sia dumuduianmai kon intau mita inta mororatab sin mopuyut kon gandum mita inta kino taḷaan. Nongkon doḷo-doḷompa in sia umuran nopuyut, bo bain tanaa in sia bo nogogai sin mopoguḻí in ḷopí motoyong kon ḷuḷung.”

SAMUEL 1 1:18

Tubag i Hana, “Igumon mako in akuoi mokouḻí kon totabi i Amá.” Onda intua minayá in sia, bo nongaan; bo diádon noajar in ginanea.