RUT 2:19 - Alkitab Singog In Mongondow Masa In Tanaa

¹⁹ Dá nogumandon in ki Naomi kon inia, “Kon onda in kinouḻíanmu kon bayongan in tanaa? Kon gobá i ine in pinogaidanmu singgai in naa? Poigumon mako ki Allah momarakat kon intau inta nopoaid in mopia kon inimu tua!” Dá inoumandon i Rut kon i Naomi kon sia in minayá nopuyut kon gandum kon gobá in intau inta ki Boas in tangoinea.

RUT 2:19 Iomraidhean Croise

DATU MITA IMITÁNEA 7:21

uḷu mita in oigi inta ná batangan in bungang tatua pinoḷutud kon oigi mita tatua. Oigi mita tatua in inukat kon tayowon in ngara tumuot kon Baḷoi i Tuhan – tobatú in kon dotá in toḷatan, bo tobatú in kon dotá in utuan. Inta kon dotá in toḷatan sinangoian Yakhin, bo inta kon dotá in utuan sinangoian Boas. Natuata ki Huram noginḷapat kon oigi mita tatua.

MAZMUR 41:1

Kon i itoi in mododondong. Mazmur i Daud.

MAZMUR 41:2

Pia in kamang in intau inta moindoimai kon intau inta moyangkó; ki Tuhan in motuḷungbí kon inia kon dodai in moyoyiga.

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

RUT 2:10

Nokodongogmai kon natua, sinumungkud in ki Rut kon tayowon i Boas bo noguman, “Amá, akuoi naa in diábí patus in motarima kon aid inta námai tua in kopopia nongkon i Amá. Akuoi naa in intau mokokiangoi bo diábí patus motarima kon aid mopia nongkon i Amá!”