RUT 2:18 - Alkitab Singog In Mongondow Masa In Tanaa

¹⁸ Onda intua sia nobuidon kon kotá kodia-dia in gandum inta pinouyutnea tatua bo pinoontongnea kon i guyánea in kobayong inta ain pinuyutnea tatua. Bo inogoiannea doman in ki guyánea tatua in kaanon inta diá nodaitnea kinaan kon tungkuḷ in nongaan.

RUT 2:18 Iomraidhean Croise

TIMOTIUS 1 5:4

Táe aka intau boba-bobay tatua kogadípa ande kogompupa, yo ki adínea andeka ki ompuneapa tatua in muna tongginaan kon bá umuran tarukiraan in guyanga monia tatua, bo motuḻí kon tabi i iná ande i baay monia tua, sin tuabí in kinoibog i Allah.

RUT 2:14

Naonda in orasdon mongaan, ki Boas noguman kon i Rut, “Koḻigai mongaandon. Naa in roti bo poponoyaanea.” Dá ki Rut nongaan domandon noyotakin in mororatab mita. Ki Boas nobogoi doman in gandum inangag kon inia, bo ki Rut nongaan nobotug bo oyúonpa doman in ki agatnea.

RUT 2:17

Ki Rut tantúdon nopuyut kon gandum kon gobá nodapot in ḷoḷabungnea. Naonda in pinorotneadon in pangkoi mita in gandum sinbá motontak in bungainea mita, indoianmai yo nokouḻí in sia kon mopuḷúmai nokilo.