RUT 2:13 - Alkitab Singog In Mongondow Masa In Tanaa

¹³ Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

RUT 2:13 Iomraidhean Croise

KINOBAḺIAN 32:6

Naonda in totabá mita tatua nobuidon mangoi kon i Yakub, mosia in noguman, “Kami ain minayá kon i Esau, ki guya-guyang i Tuang bo tanaa sia tayo-tayowdon mangoi sin motomu kon i Tuang. Sia in namangoi takin intaunea opat nogatut.”

KINOBAḺIAN 33:10

Guman i Yakub, “Donaai! Aka akuoi ain nokouḻí kon tabimu, yo tarimadon in sosumbaku tanaa. Aka kon inakó, nokoontong kon pogot in guya-guyang naonda bo nokoontong kon pogot i Allah, sin Iko noibogdon notarima kon inakó takin tabi moḷoben.

KINOBAḺIAN 33:15

Guman i Esau, “Aka natua, dá bain taḷaanku in tongonumai intau inta noyotakinku naa.” Táe ki Yakub in notubag, “Donaaidon mosusamai, akuoi in tongábí moibog moposanang gina in Guya-guyang.”

KINOBAḺIAN 33:8

Ki Esau noḻibó, “Onu in makusudmu takin rombongan mita inta noyodungkuḷku koina?” Ki Yakub in notubag, “Moposanang kon gina in Guya-guyang.”

KINOBAḺIAN 34:3

Táe sia in totokbí in moibog kon i Dina, dapot in sia totokdon in moibog bo moramuji sinbá mongodeaga tatua moibog domandon kon inia.

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

SAMUEL 2 16:4

Bo nogumandon in ki datu kon i Ziba, “Pinangkoidon kon tanaa bayongan kapunyaan i Mepiboset in mobaḻídon kapunyaanmu.” “Sukur moantó Tuang,” tubag i Ziba. “Igumon mako ki Tuang umuran mopia in gina kon inakó!”

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

HOSEA 2:16

Bo tangoionneadon in Akuoi ki buḷoinea, bo deemandon Baalnea.

PILIPI 2:3

Dika motayak kon kauntungan tontaní andeka dumodia kon intau. Táe pokopoompábí kon dodia bo anggapdon kon intau ibaneabí in mopia-pia nongkon inaton.

HAKIM MITA 19:3

intau in Lewi tatua minayá nomatuk kon inia sin modondouḷug bui kon inia. Sia minaya takin bobantungnea tobatú bo keledai doyowa. Naonda in noyaput kon tua, bobay tatua nodia kon inia kon tayowon i amánea. Onda in ki amá in bobay tatua nokoontong kon inia, sinomunea takin pia in gina,

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”

RUT 2:14

Naonda in orasdon mongaan, ki Boas noguman kon i Rut, “Koḻigai mongaandon. Naa in roti bo poponoyaanea.” Dá ki Rut nongaan domandon noyotakin in mororatab mita. Ki Boas nobogoi doman in gandum inangag kon inia, bo ki Rut nongaan nobotug bo oyúonpa doman in ki agatnea.

SAMUEL 1 1:18

Tubag i Hana, “Igumon mako in akuoi mokouḻí kon totabi i Amá.” Onda intua minayá in sia, bo nongaan; bo diádon noajar in ginanea.

SAMUEL 1 25:41

Sinimindog in ki Abigail bo sinumungkud poḷat noguman, “Akuoi naa in bobantung i Daud, diábí mobogat in ginaku in momatá kon sioḷ mita in bobantungnea mita.”