RUT 2:12 - Alkitab Singog In Mongondow Masa In Tanaa

¹² Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”

RUT 2:12 Iomraidhean Croise

MAZMUR 17:8

Ḷukadaidon in akuoi naonda bo batoḷ in mata-Mu, bunidon in akuoi kon bonu in koḻikip-Mu

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

MAZMUR 36:7

Kopopia-Mu in ná koḷantud in buḷud, bo kooadil-Mu in ná kodaḷom in dagat; intau bo mahaḷuk biniag-Mu, o Tuhan.

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

MAZMUR 61:4

sin Ikobí in mogogoḻiungku, poḷoḷukadan inta moropot nongkon musungku.

MAZMUR 63:7

Kon dodai in akuoi inumuḻid mako kon ḷantaan, kinotoropanku in Iko; kinoouput in doḷom akuoi monano-nanob kon ini-Mu,

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 23:18

sinbá kobiaganmu moiduduimai in koḷukadan, bo kamangmu in diá mobuḻi.

YEREMIA 31:16

Gogaiai in ombaḷmu bo paḻitai in ḷuámu! Diábí doman inta diá in mangaḻenea in inta iḷongasimu kon i adímu mita. Kon inimu oyúonbí in tontuḻínea, ki adímu mita in mobui nongkon butá in musung.

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

KOLOSE 2:18

Donaaibí pomayá mako monimu in porugionmai in intau mita inta ki ubo-uboḷmai inumompá kon dodia bo inta mosumba kon malaekat mita. Intau tatua in moḷoḷatú takin raiannea mita inta modunia bo dumodia kon inta oontongon mita monia,

TIMOTIUS 2 1:18

Bo kinotaauanmu bidon totok wakutu in akuoi kon Epesus, mobayong totok in totuḷungnea kon inakó. Dá akuoi in tongá tantú mopoigum mako in doa sinbá ki Allah in umuran mobogoi in barakat bo totabi kon inia kon wakutu in singgai ponantúandon i Tuhan kon bayongan intau.

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

RUT 1:16

Táe ki Rut in notubag, “Iná, Dikadon in ki Iná mopotabá kon inakó mobui bo monaḷámai kon i Iná! Akuoi naa in moibogbí dumudui kon i Iná. Kon ondakabí in bayáan i iná yo kon tuabí doman in bayáanku. Kon onda in pogutunan i Iná, yo kon tuabí doman in pogutunanku. Bangusa i Iná tua in bangusakubí doman. Ki Allah inta sinumba i Iná, in sumbaankubí doman.

RUT 2:11

Ki Boas notubag, “Dinongogkudon in bayongan yagi-yagi inta ain pinopoaidmu kon i guyámu pinangkoipa kon ki buḷoimu minatoi. Kinotaauankubí kon iko ain nonaḷámai kon guyangamu bo kon butámu sin mamangoi mogutun kon naa moyotakin in intau mita inta diápa nogogintaauanmu.

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

RUT 4:15

Ki mototakamu tua in totokbí in motabi kon inimu. Sia in nobogoidon kon inimu in noiḻiu kon onu inta motaau ogoi in intau ḷoḷaki pitu. Tanaa sia in nobogoidon doman in ompu ḷoḷaki tobatú kon inimu, inta moporoton bui kon ginamu, bo inta moḷukad kon inimu kon kogoguyangannea.”

SAMUEL 1 24:19

Aidku kon inimu inta moraat ain sinuḻíanmu in aid mopia. Kon singgai naa in pinoniatamudon kon mopiabí in makusudmu kon inakó, sin diábí iḻimodmu in akuoi, umpaka pinosarakandon i Tuhan in akuoi kon inimu.

SAMUEL 1 24:20

Moḷawábí totok in intau tobatú in moyodungkuḷ in musungnea táe tongá pobiónea mako in musungnea tatua in mobiag! Dá, igumon mako ki Tuhan in momarakat kon inimu sin aidmu inta mopia kon inakó singgai in naa!