RUT 2:10 - Alkitab Singog In Mongondow Masa In Tanaa

¹⁰ Nokodongogmai kon natua, sinumungkud in ki Rut kon tayowon i Boas bo noguman, “Amá, akuoi naa in diábí patus in motarima kon aid inta námai tua in kopopia nongkon i Amá. Akuoi naa in intau mokokiangoi bo diábí patus motarima kon aid mopia nongkon i Amá!”

RUT 2:10 Iomraidhean Croise

KINOBAḺIAN 18:2

Naonda in sia dinumungádon monik, sia in nokoontong kon intau taya toḷu sinimindog kon tayowonnea. Ki Abraham in baḷú noribatuk sin monontomu kon i monia tua. Takin sinumungkud

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 7:18

Bo sinumuotdon in ki Datu Daud kon bonu in ḷoḷaigan i Tuhan. Iḻimitú in sia bo nosambayang, “O Tuhan Inta Totok in Moḷantud, akuoi takin motoḷuadíku in diábí patus motarima kon kopiaan inta pinoontong-Mu kon inakó naa in kino oonggot.

SAMUEL 2 9:8

Ki Mepiboset in sinumungkud bui bo noguman, “Onubí in mangaḻe in kobiagan in bobantung naa! Nongonu sin ki Tuang datu in ná domai tua in kopopia kon inakó bobantung naa?”

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

MATIUS 25:35

Sin wakutu in akuoi ginogoy, inogoian monimu Akuoi in kaanon, wakutu in Akuoi noyogang, inogoian monimu in Akuoi in inumon; wakutu in Akuoi nobaḻí intau mokokiangoi sinarima monimu in Akuoi kon baḷoimu.

LUKAS 1:43

Ki inebí in akuoi naa nodapot in ki iná i Tuhan namangoi noindoi kon inakó?

LUKAS 1:48

Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

SURAT I PAULUS KON JAMAAT RUM 12:10

Utat mita, moiko in musti umuran mototabian tobatú bo tobatú naonda bo mogutat motoḷuadí kon tombonu in baḷoi, bo mosiunaan mohoromat.

RUT 2:11

Ki Boas notubag, “Dinongogkudon in bayongan yagi-yagi inta ain pinopoaidmu kon i guyámu pinangkoipa kon ki buḷoimu minatoi. Kinotaauankubí kon iko ain nonaḷámai kon guyangamu bo kon butámu sin mamangoi mogutun kon naa moyotakin in intau mita inta diápa nogogintaauanmu.

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

RUT 2:19

Dá nogumandon in ki Naomi kon inia, “Kon onda in kinouḻíanmu kon bayongan in tanaa? Kon gobá i ine in pinogaidanmu singgai in naa? Poigumon mako ki Allah momarakat kon intau inta nopoaid in mopia kon inimu tua!” Dá inoumandon i Rut kon i Naomi kon sia in minayá nopuyut kon gandum kon gobá in intau inta ki Boas in tangoinea.

RUT 2:2

Kon singgai tobatú ki Rut noguman kon i Naomi, “Iná, ogoipa in akuoi mayá in gobá mopuyut kon gandum inta degá nopipik ande kinotaḷáan in mokokoyut mita. Rasaanku in oyúonbí in intau motabi bo mopomayá mako kon inakó mopuyut kon tua.” “Mopia, uḻe!” tubag i Naomi, “bayádon!”

SAMUEL 1 25:23

Naonda in inontong i Abigail in ki Daud, ḷagidon in sia noponag kon keledainea bo sinumungkud kon tayowon in sioḷ i Daud,