RUT 1:8 - Alkitab Singog In Mongondow Masa In Tanaa

⁸ ki Naomi noguman kon i mototakanea doyowa tua, “Pobuidon in kamunda kon baḷoi i iná monimu. Poigumon mako ki Tuhan in mobogoi kon onu inta mopia kon i monimu ná doman kopopia monimu kon inakó bo kon i monia inta ain minatoi tua.

RUT 1:8 Iomraidhean Croise

SAMUEL 2 2:6

Tuamai, igumon mako ki Tuhan mopoontong doman in tabi bo satia-Nea kon inimu. Mopiabí doman in pogogaidku kon i monimu sin aidmu tatua.

EPESUS 5:22

Buḷoi, bobay in kotoinduduidon kon i buḷoimu, ná kototoinduduimu kon i Tuhan.

KOLOSE 3:18

Utat mita, buḷoi bobay! Horomatbí in ki buḷoimu, sin mustibí natua in aidanmu saḷaku intau in Keresten.

KOLOSE 3:24

Sinbá kotaauan monimu, tarimaanbí monimu in tontuḻínea nongkon i Tuhan. Onu in sinadia i Tuhan kon umat-Nea, tuabí in ogoi kon inimu. Sin tuang sabanarnea inta yogot bantungan monimu tua in ki Kristusbí tontaní.

RUT 1:5

ki adí i Naomi ḷoḷaki doyowa tatua, minatoi domandon, dá ki Naomi in kinopatoiandon i buḷoinea bo adínea doyowa.

RUT 1:7

Nobuat in mosia noyotakin mobui kon Yohuda. Kon yuak in daḷan

RUT 1:9

Igumon mako ogoianpa doman bui i Tuhan in ḷoḷaki inta motaau mononibuḷoi kon i namunda.” Naonda in noguman mako natua, ki Naomi nopoigum kon mayádon in sia bo nongayokdon kon i nayadua. Tongá nongombaḷdon totok in ki Orpa bo ki Rut,

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:10

“Poigumon mako ki Tuhan in momarakat kon inimu, adíku,” guman i Boas. “Potongkaiondon kon ná onu inta ain pinomiamu kon i guyámu, dá aidmu tanaa in moponiatadon in tabi inta moiḻiu kon tua bui. Iko in motaaubí in motayak kon buḷoi inta mongobagupa kon sigad in intau mita inta nooyúon bo inta nobogá, táe diábí inaidanmu intua.