RUT 1:22 - Alkitab Singog In Mongondow Masa In Tanaa

²² Natuata in ouman soaḷ ki Naomi nobui mangoi kon Moab takin i Rut intau in Moab tua inta ki buḷoi i adínea. Mosia in noidapot kon Betlehem kon dodai in pomangkoiandon ponoḻisían kon bungai in gandum.

RUT 1:22 Iomraidhean Croise

SAMUEL 2 21:9

Mosia in inogoidon kon intau mita in Gibeon, bo taya pitu tatua in minatoi noyotakin binambé kon tudu in buḷud kon tayowon i Tuhan. Hukuman minatoi tatua pinomia kon imbuit in sempo in pononubú, kon wakutu in momangkoidon moratab kon makoya.

IMAMAT 23:11

Kon singgai mopaḷut mako singgai in Sabat, ki imang musti moposumba in gandum tatua mobaḻí sosumba inta tonoion kon i Tuhan, sinbá mopia in gina i Tuhan kon inimu.

RUT 2:23

Manangka intua, ki Rut in tantúdon dinumudui kon mogogaid mita bobay kon gobá i Boas. Sia in nopuyut kon gandum kon tua nodapot in notoḻisídon komintan iratab – pinomayá bungainea dungkuḷ nodapot in bungainea imbuitnea. Bo kon dodai intua ki Rut in umuranbí nogutun takin i guyánea.

RUT 2:6

Intaunea tatua notubag, “Sia tua in bobay in bangusa in Moab inta bagu namangoi noyotakin i Naomi nongkon Moab.