RUT 1:19 - Alkitab Singog In Mongondow Masa In Tanaa

¹⁹ Dá nongingguputdon in mosia kon bobayáan noidapot in Betlehem. Naonda in yaput monia kon tua, bayongan in intau kon ḻipú tatua nodowawá. Bayongan in bobay kon tua noḻibó, “Totuu degá kon ki Naomi in sia tua?”

RUT 1:19 Iomraidhean Croise

TAWARIKH 1 2:51

Ki Salma ki adínea nogindua in inta noposindog in kotá in Betlehem; bo ki Harep ki adínea inta nogintoḷu in inta noposindog in kotá in Bet-Gader.

YESAYA 23:7

Indoiaika in kotámu Tirus inta oyúondon nongkon dungkuḷpamai. Naa degá in kotá inta biasamai mobarasanang? Naa degá in kotá inta nopotabá in intau mita minayá in ḷoḷan in dagat sin morantau mayá in tua?

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

MATIUS 21:10

Bo naonda in Sia sinumuot kon Yerusalem, nodowawádon totok in bayongan intau kon kotá tatua bo intau mita noḻibó. “Ki ine degá in intau tanaa?”

RUT 1:20

“Dika oiníon ki Naomi in akuoi,” guman i Naomi, “Oinídon in akuoi ki Mara, sin ki Allah Inta Totok in Mokawasa ain nopomayá mako kon inakó nobiag nopuḻing in paitnea.

RUT 2:6

Intaunea tatua notubag, “Sia tua in bobay in bangusa in Moab inta bagu namangoi noyotakin i Naomi nongkon Moab.