RUT 1:16 - Alkitab Singog In Mongondow Masa In Tanaa

¹⁶ Táe ki Rut in notubag, “Iná, Dikadon in ki Iná mopotabá kon inakó mobui bo monaḷámai kon i Iná! Akuoi naa in moibogbí dumudui kon i Iná. Kon ondakabí in bayáan i iná yo kon tuabí doman in bayáanku. Kon onda in pogutunan i Iná, yo kon tuabí doman in pogutunanku. Bangusa i Iná tua in bangusakubí doman. Ki Allah inta sinumba i Iná, in sumbaankubí doman.

RUT 1:16 Iomraidhean Croise

SAMUEL 2 15:21

Táe ki Itai in notubag, “Inta Momulia, podoyon kon i Tuhan inta nobiag bo popisí in nyawa i Tuangku, kon ondakabí in bayáan i Tuangku, yo bobantung in dumuduibí doman, umpakabí moyogintayow in popatoi.”

MAZMUR 45:10

Kon sigad in dayang-dayang in komaḻig oyúon in ki adí mita bobay i datu. Kon dotá in koḷanan pomomarentaan oyúon in ki buḷoi i datu takin nopoḷambá in buḷawan taakan.

AMSAL 17:17

Yobayat tobatú umuranbí mosatia kon topotakin, táe utat tobatú moitakin mobaba kon roriga.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

HOSEA 13:4

Ki Tuhan in noguman, “Akuoibí in ki Tuhan Allahmu, inta nodia kon i monimu iḻumuai nongkon Mesir. Moiko in diábí ko Allah ibanea koḻikudbí in Akuoi. Tongábí Aku-Akuoi mita in mopoposaḷamatmu.

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

MATIUS 8:19

Bo namangoidon in tobatú mototundú kon agama Yahudi noguman kon i-Nia: “Guru, akuoi in dumudui kon inimu, kon onda kabí in bayáan-Mu!”

YOHANES 13:37

Dá kai Petrus doman, “Tuhan nongonu sin diábí motaau akuoi in dumudui in tanaa mako? Morelabí in akuoi in matoi sin kopontingan i Tuhan!”

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.

YOSUA 24:18

Bo naonda in kita sinumuot kon butá tanaa, ki Tuhan nopoguntun kon bayongan intau in Amori inta nogutun kon naa. Dá, kami in moibogbí mogundoi kon i Tuhan, sin Sia tuata in ki Allah naton!”

WAHYU 14:4

Mosia tua intau inta umuran nodarit naonda bo porawan, sin mosia in diábí mosiug takin bobay. Mosia in umuran dumudui magí-mako kon i Adí in Domba kon ondakabí in bayáan-Nea. Mosia in sinobutdon nongkon sigad in intau mita. Mosia tuata inta ain pinobebas bo inogoi saḷaku sosumba inta muna kon i Allah bo kon i Adí in Domba tatua.

RUT 1:15

Nogumandon in ki Naomi kon inia, “Rut, indoiaika! Ki utatmu tumpaḷa pobobuḷoion ain nobui kon bangusanea bo kon dewanea mita. Bayádon doman in iko, uḻeku, duduidon kon inia mobui!”

RUT 1:17

Kon ondakabí in kopatoian i Iná, yo kon tua doman in kopatoianku bo poḷobongan kon inakó. Igumon mako ki Tuhan mohukum kon inakó kobogaton totok, aka akuoi moibog moyoguat i Iná, koḻikudbí in popatoi in mopoyoguat kon i naton!”

RUT 2:6

Intaunea tatua notubag, “Sia tua in bobay in bangusa in Moab inta bagu namangoi noyotakin i Naomi nongkon Moab.

RUT 4:15

Ki mototakamu tua in totokbí in motabi kon inimu. Sia in nobogoidon kon inimu in noiḻiu kon onu inta motaau ogoi in intau ḷoḷaki pitu. Tanaa sia in nobogoidon doman in ompu ḷoḷaki tobatú kon inimu, inta moporoton bui kon ginamu, bo inta moḷukad kon inimu kon kogoguyangannea.”