RUT 1:15 - Alkitab Singog In Mongondow Masa In Tanaa

¹⁵ Nogumandon in ki Naomi kon inia, “Rut, indoiaika! Ki utatmu tumpaḷa pobobuḷoion ain nobui kon bangusanea bo kon dewanea mita. Bayádon doman in iko, uḻeku, duduidon kon inia mobui!”

RUT 1:15 Iomraidhean Croise

DATU MITA 2 2:2

bo kon daḷan ki Elia in noguman kon i Elisa, “Kon naapa. Akuoi in pinotabá i Tuhan mayá in Betel.” Táe ki Elisa in notubag, “Podoyon kon i Tuhan inta nobiag bo podoyon kon nyawa i Amá, akuoi in diábí monaḷámai kon i Amá.” Dá mosia in noyotakin nongingguput kon bobayáan nodapot in Betel.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

PINOGIAPAN 10:30

Tubag i Hobab, “Sukur moantó, táe akuoi in moibogbí mobui kon ḻipúku tontaní.”

LUKAS 24:28

Mosia kodiug-kodiugdon kon ḻipú inta bayáan monia. Ki Yesus ki ubo-uboḷmai tumurus mayá,

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

YOSUA 24:19

Bo ki Yosua noguman, “Táe moiko in dikabo diá mokosanggup mogundoi kon i Tuhan, sin Sia tua in ki Allah inta mokudus, bo tongábí Sia in ki Tuhan. Sia in doíbí toḻinduaan. Aka moiko monaḷámai kon i-Nia bo mogundoi kon ilah mita ibanea, diá bidon ampungan-Nea in dosamu, sedang bo ḷawangon bo hukumon-Neabí in moiko. Yompaton-Neabí in moiko, umpakabí koḻipod in mopia in Sia kon inimu.”

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

HAKIM MITA 11:24

Bo degá iko in tanaa moibogdon bui mogamá? Butá inta inogoi i Kamos, dewamu tua, kon inimu in motaaubí umuran mobaḻí kapunyaan monimu. Tongá onu inta ain inogoi i Tuhan, Allah nami kon i nami, in umuranbí tahangon nami.

RUT 1:14

Ki Rut bo ki Orpa bui nongombaḷ totok onda intua ki Orpa nopoigumdon mobui poḷat nongayok kon i guyánea bodongka nobui in sia. Táe ki Rut in doíbí monaḷámai kon i guyánea tatua.

RUT 1:16

Táe ki Rut in notubag, “Iná, Dikadon in ki Iná mopotabá kon inakó mobui bo monaḷámai kon i Iná! Akuoi naa in moibogbí dumudui kon i Iná. Kon ondakabí in bayáan i iná yo kon tuabí doman in bayáanku. Kon onda in pogutunan i Iná, yo kon tuabí doman in pogutunanku. Bangusa i Iná tua in bangusakubí doman. Ki Allah inta sinumba i Iná, in sumbaankubí doman.