RUT 1:13 - Alkitab Singog In Mongondow Masa In Tanaa

¹³ yo umpaka moiko in mogoḷatpa doman modapot in mosia moitoi? Umpaka yo tongá soaḷ tatua bo moiko in diádon motonibuḷoi in intau ibanea? Naai, uḻe adíku, dikabí natua! Moajar totok in ginaku mokoontong kon onu inta noiantug kon i monimu popisí in hukuman i Tuhan kon inakó.”

RUT 1:13 Iomraidhean Croise

KINOBAḺIAN 38:11

Noiduduimai kon tua ki Yohuda nogumandon kon i Tamar mototakanea tatua, “Pobuidon kon baḷoi in guyangamu bo pogutundon kon tua saḷaku mobobaḷu modapot in ki adíku ki Syela moitoidon.” Sia in noguman natua sin sia in moondok dikabo ki Syela gamáan domandon i Tuhan, ná ki guya-guyangnea doyowa. Dá nobuidon in ki Tamar kon baḷoi in guyanganea.

AYUB 19:21

Uḻe yobayatku mita, kotabipa in akuoi, sin ḻima i Allah nosambok kon inakó.

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

MAZMUR 38:2

Tuhan, dika mohukum kon inakó kon bonu in torú-Mu, dika moposikisa kon inakó kon bonu in rogi-Mu.

ULANGAN 2:15

Ki Tuhan umuranbí moḷawang kon i monia nodapot in mosia noyopú komintan.

HAKIM MITA 2:15

Pomuḷoi in mosia mayá moparang, ḷawangon i Tuhan in mosia, ná inta ain pinopotoingat-Nea kon i monia. Dá mosia in kino antugandon in yoyiga inta totok in moḷoben.

RUT 1:12

Pobuidon, uḻeku, sin akuoi naa in noiḻiudon in guyang aka mokipobuḷoipa. Bo aka kuma oyúonpa doman in ukur kon pobuḷoionpa bui in doḷom doman naa bo mokouḻípa bui kon adí ḷoḷaki,

RUT 1:14

Ki Rut bo ki Orpa bui nongombaḷ totok onda intua ki Orpa nopoigumdon mobui poḷat nongayok kon i guyánea bodongka nobui in sia. Táe ki Rut in doíbí monaḷámai kon i guyánea tatua.

RUT 1:21

Kon dodai in akuoi nobuat nongkon naa yagi-yagi in oyúonpabí kon inakó, táe naa in ki Tuhan in nodiadon mangoi in naa kon inakó takin diádon koonu bo onu. Tuamai in dikadon moiko monangoi kon inakó ki Naomi, sin ki Tuhan Inta Totok in Mokawasa ain nohukum kon inakó takin roriga mobarong!”

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.