RUT 1:12 - Alkitab Singog In Mongondow Masa In Tanaa

¹² Pobuidon, uḻeku, sin akuoi naa in noiḻiudon in guyang aka mokipobuḷoipa. Bo aka kuma oyúonpa doman in ukur kon pobuḷoionpa bui in doḷom doman naa bo mokouḻípa bui kon adí ḷoḷaki,

RUT 1:12 Iomraidhean Croise

KINOBAḺIAN 17:17

Bo dinumokódon in ki Abraham, táe kinumosing in sia kon dodai in norai kon bonu in ginanea, “Degá mokouḻípa kon adí in ḷoḷaki inta umurdon mogatut notaong, bo degá kumaanpa kon akaḷ in ki Sara inta ain umur siow nopuḷú notaong bo mononggadípa?”

KINOBAḺIAN 38:11

Noiduduimai kon tua ki Yohuda nogumandon kon i Tamar mototakanea tatua, “Pobuidon kon baḷoi in guyangamu bo pogutundon kon tua saḷaku mobobaḷu modapot in ki adíku ki Syela moitoidon.” Sia in noguman natua sin sia in moondok dikabo ki Syela gamáan domandon i Tuhan, ná ki guya-guyangnea doyowa. Dá nobuidon in ki Tamar kon baḷoi in guyanganea.

TIMOTIUS 1 5:9

Intau inta motaau tangoion dongkadon boba-bobay, tongábí mosia inta nongkon umurdon onom nopuḷú notaong bo namonik, bo mosia inta tongá komintan pinobuḷoi,

RUT 1:11

“Dika, uḻeku!” tubag i Naomi, “mopia-piabí kon mobui in moiko. Onubí in mangaḻenea in moiko dumudui kon inakó? Akuoi naa in kinotaauandon monimu kon diá bidon mokouḻí kon adí inta motaau popobuḷoi bui kon i monimu?

RUT 1:13

yo umpaka moiko in mogoḷatpa doman modapot in mosia moitoi? Umpaka yo tongá soaḷ tatua bo moiko in diádon motonibuḷoi in intau ibanea? Naai, uḻe adíku, dikabí natua! Moajar totok in ginaku mokoontong kon onu inta noiantug kon i monimu popisí in hukuman i Tuhan kon inakó.”