SURAT I PAULUS KON JAMAAT RUM 9:7 - Alkitab Singog In Mongondow Masa In Tanaa

⁷ Deemanbí doman komintan buí i Abraham in nobaḻí ki adí mita i Allah. Sin ki Allah ain noguman kon i Abraham nanaa, “Tongábí buí i Ishak in tangoion buímu.”

SURAT I PAULUS KON JAMAAT RUM 9:7 Iomraidhean Croise

KINOBAḺIAN 21:12

Táe ki Allah in noguman kon i Abraham, “Donaaidon iko mohawatir kon bobantungmu ki Hagar bo ki adínea tatua. Duduiaidon in ibog i Sara, sin pongin i Ishakbí tuata iko in mokouḻí kon buí inta pinodandi-Ku tua.

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

LUKAS 16:30

Táe intau nooyúon tatua in noguman, ‘Diápabí tugat intua, Amá Abraham. Táe aka oyúon in intau minatoi in mobiag bui bo mamangoi kon i monia, yo mogogai bidon in mosia in mogaid kon dosa mita monia.’

LUKAS 3:8

Pogumanku kon i monimu, Popoontongpa muna in oaid monimu mopia, saḷaku tanda kon moiko in totu-totuu bidon nogogai in nogaid kon inta diá mopia. Bo donaaipa muna moguman in moiko kon ki Abraham in ki amá nami! Sinbá pogumanku kosilangon kon i monimu, batu mita tanaa in motaaubí aidan i Allah ki adí mita i Abraham!

YOHANES 8:33

Mosia in noguman, “Kami naa in buíbí i Abraham, kami in diápabí dodai onda in nobaḻí ata i inekadon! Yo onu i makusud-Mu in moguman, ‘Moiko in poḷuatonbí’?”

GALATIA 4:23

Adí inta nongkon bobay ki atanea, oyúon sin pinodoyon kon ibog in intau naa. Táe aka adí inta nongkon i buḷoinea, oyúon sin pinodoyon kon dandi i Allah.

GALATIA 4:28

Utatku mita! Moiko nion in naonda bo ki Ishak inta pinononggadí pinodoyon kon dandi i Allah.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

IBRANI 11:18

Umpaka nanaa in guman i Allah kon i Abraham: “Ki Ishakbí naa inta mobogoi in buí inta pinodandi-Ku kon inimu.”