SURAT I PAULUS KON JAMAAT RUM 7:7 - Alkitab Singog In Mongondow Masa In Tanaa

⁷ Aka natua, yo onu in singogon naton? Moraat degá in hukum agama in Yahudi? Tantú diábí! Sin hukumbí tatua in notundú kon inakó soaḷ dosa. Sin diábí kinotaauanku onu in sinangoian Ibog moiḻiu, aka hukum agama diá noguman, “Donaai motamaa.”

SURAT I PAULUS KON JAMAAT RUM 7:7 Iomraidhean Croise

KINOBAḺIAN 3:6

Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

MAZMUR 119:96

Inontongku kon inta notompodpa in oyúonbí in sigadnea, tongábí parenta-Mu in nosompurna.

IḶUAIAN 20:17

Dika moibog in sinitogi in intau ibanea: baḷoinea, ki buḷoinea bobay, atanea mita, bobiagonnea, keledainea, ande onuka inta nobaḻí sinitoginea.”

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 20:16

Notantú bidon kon mamangoi in sia moḻimod kon mototomoyó mita tatua, bo gobá tatua in potomoyóneadon kon mototomoyó ibanea.” Nokodongogmai kon tua, intau mita in noguman kon i Yesus nanaa, “Poyayúdon kaasí.”

OUMAN IN RASUL MITA 20:33

Diápabí kon dodai onda akuoi nohaga in doit andeka pakeang nongkon intau ibanea.

SURAT I PAULUS KON JAMAAT RUM 13:9

Sin hukum agama in Yahudi in noguman nanaa: Dika monuaḻing, dika moḻimod, dika monakow, dika moibog in kapunyaan intau ibanea, bo bayongan parenta ibanea ain notangkup kon hukum tobatú tanaa, “Kotabibí in tumpaḷa intau, naonda bo kototabimu kon awakmu tontaní.”

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

SURAT I PAULUS KON JAMAAT RUM 4:1

Aka natua, onu in motaau singogon soaḷ ki Abraham, mogoguyang naton tatua? Naonda in pongalamannea?

SURAT I PAULUS KON JAMAAT RUM 4:15

Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

SURAT I PAULUS KON JAMAAT RUM 5:20

Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

SURAT I PAULUS KON JAMAAT RUM 6:15

Tanaa, onu degá in simpodnea? Degá motaau in kita in mogaid kon dosa, sin kita in diádon nobiag kon bonu in kawasa in hukum agama Yahudi, táe nobiag bidon kon bonu in kawasa in totabi i Allah? Diábí motaau!

SURAT I PAULUS KON JAMAAT RUM 7:11

Sin popisí in hukum agama tatua, dá dosa in nokouḻídon kon kasampatan monguboḷ bo moḻimod kon inakó.

SURAT I PAULUS KON JAMAAT RUM 7:13

Dá aka natua, yo degá inta mopia tua in mokopatoi kon inakó? Deemanbí tua! Dosabí in nokopoangoi kon popatoi tatua. Pinodoyon kon inta mopia, dosa in mokopoangoi kon popatoi kon inakó sinbá sipat mita in dosa koontongandon motarang. Pinongin parenta mita i Allah, moniatadon kon totokbí in moraat in dosa tua.

SURAT I PAULUS KON JAMAAT RUM 7:5

Sin koḻipod kita in nobiag podudui ibog in awak naa. Kon wakutu intua ibog mita inta mokobaradosa in nomuká sin oyúon in hukum agama, bo tua in nokadai kon inaton. Manangka intua kita in mogaid kon soaḷ mita inta mokopopisí kon kopatoian.

SURAT I PAULUS KON JAMAAT RUM 7:8

Táe pinongin hukum agama, dosa in nokouḻí kon kasampatan mopomuká kon bayongan ibog moiḻiu kon bonu in ginaku; sin aka hukum in agama bo diá, yo dosa tua in matoibí.

KORINTUS 1 15:56

Bisa in popatoi tuata in dosa, bo dosa nopobayá in oaidannea mongin hukum in agama.

EPESUS 5:3

Moiko nion umat i Allah, tuamai in aid mita inta mokotor bo inta diá patus aidan, andeka ibog inta moiḻiu dika aidan kon sigad monimu sinbá diá in dodoyonan intau mita mopotaḷá kon i monimu.

ULANGAN 5:21

Dika moibog in kapunyaan in intau ibanea: pinomayá baḷoinea, butánea, ki buḷoinea bobay, bobantungnea mita, bobiagonnea, keledainea ande onuka in kon inia.’

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

TESALONIKA 1 4:5

Donaaibí dumudui kon ibog awak in batangan ná oaid in intau mita inta diá nonotaau kon i Allah.

IBRANI 7:19

Sin diábí tobatúmai in motaau sompurnaan in hukum agama Yahudi tua. Tuamai tanaa kita in inogoiandon in harapan inta totuu mopira; sahingga in kita motaaudon dimiug kon i Allah.

YOSUA 7:21

Kon sigad in barang mita inta inagow naton, akuoi nokoontong kon jubah tobatú inta totuu mogaga, pinomia in Babilonia, bo saḷaka doman mita doyowa nokilo, bo buḷawan tobatú noiḻiu kon tobotak in kilo. Moibog totok in akuoi in barang mita tatua, dá ginamáku bo iḷobongku kon butá kon ḷoḷaiganku; saḷaka in kon ḻimonag totok.”