SURAT I PAULUS KON JAMAAT RUM 7:21 - Alkitab Singog In Mongondow Masa In Tanaa

²¹ Dá nanaa in simpod in tosingogonku kon hukum tanaa; aka akuoi bo moibog mogaid kon onu inta mopia, dá tongábí inta moraat in momuká kon raianku.

SURAT I PAULUS KON JAMAAT RUM 7:21 Iomraidhean Croise

MAZMUR 119:133

Irigonaidon in ḷampangku podudui in dandi-Mu, dikabí pomayá mako kaasí in akuoi in kawasaan in moraat.

MAZMUR 119:37

Ḷukadai in akuoi sinbá diá momatuk kon inta diá in mangaḻenea, ogoiaidon in akuoi in kobiagan podudui in ibog-Mu.

MAZMUR 40:12

Tuhan, dikabí mogogai in monotabi kon inakó; umurandon ḷukadai in akuoi in tabi bo kososatia-Mu.

MAZMUR 65:3

Sin Ikobí in motubag kon sambayang; bayongan in intau in mamangoibí kon ini-Mu popisí in ain binaradosa.

LUKAS 4:1

Naonda in nobatun mako kon tubig in Ongkag Yordan ki Yesus, Sia kinawasa in Roho i Allah bo dinia minayá in padang gurun.

YOHANES 8:34

Dá ki Yesus in noguman kon i monia, “Poguman-Kudon kon i monimu, intau inta nogaid kon dosa, nobaḻí ki ata in dosanea tatua.

SURAT I PAULUS KON JAMAAT RUM 6:12

Dika pomayá mako in kobiaganmu inta diá mononoi kon dunia naa in kawasaan dosa, sinbá diádon iko dumudui kon ibognea inta moraat.

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

SURAT I PAULUS KON JAMAAT RUM 7:23

táe kinotaauankubí, kon bonu in awakku oyúon doman in hukum ibanea inta nokadai kon tua, tuata in hukum inta noyoposi in hukum inta kinoibogku. Tuamai in akuoi noitogot kon hukum in dosa inta nongawasa kon awakku.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

PETRUS 2 2:19

Mosia tua in mopodandi in kasaḷamatan kon intau ibanea, bokaka mosia tontaní ain nobaḻí ki ata in oaid mita inta diá mopia inta mokogoguyaat kon intau. Sin aka tobatú intau bo sinaḷowdon in tobatú kawasa dá sia in mobaḻí bidon ata in kawasa inta nokotaḷow kon inia tua.