SURAT I PAULUS KON JAMAAT RUM 5:7 - Alkitab Singog In Mongondow Masa In Tanaa

⁷ Sin diábí mogampang in motayak kon intau inta moibog matoi umpakabí kopontingan in intau inta mobanar. Tongá degá aka kon intau inta mopia, dá oyúon in intau mobarani matoi.

SURAT I PAULUS KON JAMAAT RUM 5:7 Iomraidhean Croise

SAMUEL 2 18:27

Moḷoḷukad tatua in noguman, “Intau inta muna tatua in ki Ahimaas. Kinotaauanku nongkon pororibatuknea.” “Sia in intau mopia,” guman i datu, “tantú nodiabí in sia kon habar mopia.”

SAMUEL 2 18:3

Táe intaunea mita tatua in notubag, “Dika Tuang. Sin aka kami bo pakisadon moḷagui, andeka tongobotak kon inami in matoi, yo diápabí doman mopia in gina in musung, sin ki Tuangbí in tayakon monia. Ki Tuang in notongkaibí in boḻi in mopuḷú noribu in intau nongkon inami. Mopia-piabí in ki Tuang mokidia mangoi in totuḷung kon inami nongkon kotá.”

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MATIUS 13:15

Sin gina in intau mita tanaa ain sinimimbunod, bo bongoḷan monia in bongoḷan bo mata monia ain binilogan. Sinbá mata monia in diá mokoontong, bo bongoḷan monia in diá mokodongog, sin dikabo komangaḻeandon monia in onu inta pinoguman bo mosia in mobui mangoi kon i-Nakó, bo posaḷamaton-Ku in mosia.’ ”

YOHANES 15:13

Intau inta totok in motabi kon yobayatnea mita in intaubí inta nobogoi in kobiagannea sin kopontingan monia.

OUMAN IN RASUL MITA 11:24

Ki Barnabas naa in intaubí mopia, inta umuran kinawasa in Roho i Allah bo intau inta totok in mopirisaya kon i Tuhan sahingga moantódon in intau in dinumudui kon i Tuhan.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

SURAT I PAULUS KON JAMAAT RUM 5:8

Táe ki Allah in noponiatadon in tabi-Nea kon i naton, kon dodai in ki Kristus pinokuruban sin kopontingan naton, kon dodai in kita binaradosapa.

YOHANES 1 3:16

Naa in daḷan bá kotaauan naton in motabi kon tumpaḷa intau: ki Kristus in noposarakandon in kobiagan-Nea sin kopontingan naton. Sin tuamai, kita doman in musti moposarakan in kobiagan naton kon kopontingan i utat mita naton!