SURAT I PAULUS KON JAMAAT RUM 5:1 - Alkitab Singog In Mongondow Masa In Tanaa

¹ Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

SURAT I PAULUS KON JAMAAT RUM 5:1 Iomraidhean Croise

AYUB 21:21

Aka intau modaitdon in wakutunea kon dunia, mopandungpa degá in sia kon motoḷuadínea in mosanang?

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

YESAYA 27:5

Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

ZAKHARIA 6:13

Siabí tua inta bain moposindog in Baḷoi-Ku bo motarima kon kahoromatan naonda bo datu tobatú, bo sia in momarenta kon rayatnea. Imang tobatú in umapidbí kon inia bo mosia in mogaidon moyotakin takin pia-pia mako.’

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

LUKAS 19:42

Bo poḷat nosingog, “Kaasí uḻe, mopiadon totok aka singgai in naa bo kotaauanmudon in onu inta motaau mokopoangoi kon dodamean! Táe tanaa iko in diábí mokoontong.

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

SURAT I PAULUS KON JAMAAT RUM 1:7

Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

SURAT I PAULUS KON JAMAAT RUM 10:10

Sin takin ginanea, intau in mopirisaya, dá tarimaan i Allah in Sia saḷaku intau inta ain noyodame takin-Nea. Bo bibig in pinakénea nongaku sahingga pinosaḷamat in Sia.

SURAT I PAULUS KON JAMAAT RUM 10:15

Bo naondabí intau mayá mopotaau in habar tatua, aka mosia in diá potabá? Ain doman pinais kon Buk Motusi nanaa, “Mopiadon totok in koangoian in intau mita inta nodia kon Habar Mopia nongkon i Allah!”

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

SURAT I PAULUS KON JAMAAT RUM 15:33

Poigumondon mako, ki Allah inta nobogoi in kobiagan motompia kon intau, umuran moyotakin i monimu komintan. Amin.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

SURAT I PAULUS KON JAMAAT RUM 3:30

Sin ki Allah tua in tongábí tobatú. Siabí tua inta nobogoi in kasampatan kon intau mita in Yahudi noyopia bui takin i Allah sin pinodoyon doman kon pirisaya monia. Bo Siabí doman tua inta nobogoi in kasampatan kon intau ibanea mobiag moyopia takin i Allah, bo tua in nobaḻí doman popisí in mosia mopirisaya.

SURAT I PAULUS KON JAMAAT RUM 4:5

Táe oyúon in intau inta diábí tumogot kon usahanea tontaní; sia in moposarakanbí in kobiagan-Nea kon i Allah inta moposaḷamat kon intau mita baradosa. Dá pirisayaneabí tatua in nobaḻí dodoyonan pinotarimaan i Allah kon inia saḷaku intau inta mokosanang kon gina-Nea.

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

SURAT I PAULUS KON JAMAAT RUM 5:18

Tuamai, ná doman taḷá in intau tobatú nokopopisí kon bayongan intau i hukum, yo natua doman aid in intau tobatú inta motoindudui kon i Allah; nokopobaḻí kon bayongan in intau pinilatandon nongkon taḷá monia bo inogoiandon in kobiagan.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

SURAT I PAULUS KON JAMAAT RUM 9:30

Dá, nanaa in kasimpulannea: Bangusa mita ibanea inta deeman Yahudi in diábí moramuji konbá motompia bui in hubungan monia takin i Allah. Táe popisí in mosia mopirisaya, dá sinompiadon bui i Allah in hubungan monia takin-Nea.

GALATIA 2:16

Umpaka natua yo kinotaauanbí nami kon diábí in tobatúmai intau in posaḷamaton i Allah sin dinumudui kon hukum i Musa. Táe intau posaḷamatonbí sin pirisaya kon i Yesus Kristus. Tuamai kami tontaní in nopirisayadon kon i Yesus Kristus, sinbá kami in posaḷamaton doman, deemanbí posaḷamaton sin dinumudui kon onu inta kon hukum i Musa.

GALATIA 3:25

Tanaa mako wakutuneadon in intau mopirisaya kon i Kristus, dá kita in diá bidon iḷukadan mako in hukum i Musa.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 2:7

Inaidan i Allah intua, sinbá kon singgai moiduduimai koontongandon intau in koḷoben tabi i Allah. Tabi tatua in pinoniata i Allah pinototoi kon kopopia in gina-Nea kon i naton inta pinotonsigad kon i Kristus Yesus.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.

KOLOSE 3:15

Pakédon in dodamean inta inogoi i Kristus, sinbá kawasaan-Neadon in ginamu, sin tuabí in mangaḻe pinogoinían kon i monimu motobatú kon awak, bo umuranbí posukur kon i Allah.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

TESALONIKA 2 3:16

Ki Tuhanbí tua in pangkoi in kobiagan naton motompia. Poigumon mako umuran in Sia mobogoi kon i monimu in kobiagan motompia bo moonow kon bayongan in yagi-yagi. Bo igumon doman mako sinbá ki Tuhan in umuran moyotakin monimu komintan.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.