SURAT I PAULUS KON JAMAAT RUM 4:6 - Alkitab Singog In Mongondow Masa In Tanaa

⁶ Natua doman in singog i Daud; manangka intua sia in noguman doman nanaa, pia in kamang in intau inta ain sinarima i Allah saḷaku intau inta mokosanang kon gina-Nea, táe inta deemanbí pinodoyon kon oaidnea mita. Ki Daud in noguman nanaa,

SURAT I PAULUS KON JAMAAT RUM 4:6 Iomraidhean Croise

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YEREMIA 22:6

Bo kon i-Nakó yo komaḻig in datu in Yohuda in totuubí kon mogaga, ná kogaga in butá in Gilead bo buḷud mita in Libanon; táe tampat tatua in baḻíon-Kubí naonda bo padang gurun inta diá inutunan in intau.

YEREMIA 33:16

Intau in Yohuda bo intau inta nogutun kon Yerusalem in posaḷamatonbí bo mobiag moaman. Kotá in Yerusalem in tangoian ‘Tuhan Mopoposaḷamat Naton’.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

MATIUS 25:19

Noonggotmai kon tua nobuidon mangoi in ki tuang monia tatua bo nogiap kon onda inta nouḻí monia.

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

SURAT I PAULUS KON JAMAAT RUM 3:27

Manangka intua diábí in dodoyonan naton dumodia. Nongonu sin natuabí? Popisí degá kita in dinumuduidon kon onu inta pinais kon hukum agama in Yahudi? Deemanbí! Táe popisíbí in kita mopirisaya.

SURAT I PAULUS KON JAMAAT RUM 4:11

Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

SURAT I PAULUS KON JAMAAT RUM 4:24

táe kon i natonbí doman. Kita in tarimaanbí doman i Allah saḷaku intau inta ain nokosanang kon gina-Nea, sin kita in nopirisaya kon i Allah inta ain nomiag bui kon i Yesus, ki Tuhan naton.

SURAT I PAULUS KON JAMAAT RUM 4:5

Táe oyúon in intau inta diábí tumogot kon usahanea tontaní; sia in moposarakanbí in kobiagan-Nea kon i Allah inta moposaḷamat kon intau mita baradosa. Dá pirisayaneabí tatua in nobaḻí dodoyonan pinotarimaan i Allah kon inia saḷaku intau inta mokosanang kon gina-Nea.

SURAT I PAULUS KON JAMAAT RUM 4:7

“Pia in kamang in intau inta taḷánea mita ain inampungan bo dosanea mita inampungandon i Allah!

SURAT I PAULUS KON JAMAAT RUM 4:9

Degá singog ḷunganga tanaa in tongá pinomakusud kon intau mita inta ain sinunat andeka degá kon i monia doman inta diá sinunat? Sin munadon pinogumanku, kon ki Abraham in sinarima i Allah saḷaku intau inta mokosanang kon gina-Nea, deemanbí popisí in oaidnea, táe popisíbí in pirisayanea kon i Allah.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

GALATIA 3:14

Tua komintan inaidan i Kristus Yesus sinbá barakat inta pinodandi i Allah kon i Abraham ogoi doman kon intau mita inta deeman Yahudi. Natua in pinogogaid-Nea, sahingga kita inta mopirisaya kon i Allah, motaau motarima kon Roho inta pinodandi i Allah.

GALATIA 4:15

Mosanang totok in moiko tungkuḷ intua, yo tanaa ondadon in pia in gina monimu tatua? Kinotaauanku bidon in kopopia in gina monimu, sin motaaukubí poguman kon tungkuḷ intua moiko in mokobaḻíbí monguil kon batoḷ in mata monimu bo ogoi kon inakó, aka paraḷuonku doman intua.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

ULANGAN 33:29

Kosanangdon in iko, ei Israel! Diábí in bangusa ná iko pinosaḷamat i Tuhan. Ki Tuhan in naonda bo pitow bo oḻingoi kon inimu; sin moduḷu kon inimu bo mobogoi in kauntungan kon inimu. Musungmu mita in mamangoibí mokikotabimai, bo iko in totokbí in moritak kon i monia.”

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.

YAKOBUS 2:18

Degá oyúon intau in moguman, “Oyúon intau in umandoḷ kon pirisayanea bo oyúon doman in umandoḷ kon oaidnea.” Dá akuoi in moguman, “Poontongka kon inakó in pirisaya takin diá in oaid bo poontongku kon inimu in oaidku saḷaku bungai kon akuoi in mopirisaya.”

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.