SURAT I PAULUS KON JAMAAT RUM 4:2 - Alkitab Singog In Mongondow Masa In Tanaa

² Aka soaḷ mita inta inaidannea tatua bo nobaḻí dodoyonan pinotarimaan i Allah kon inia saḷaku intau inta mokosanang kon gina-Nea, dá oyúon doman in dodoyonannea dumodia. Táe sia in diábí motaau dumodia kon tayowon i Allah.

SURAT I PAULUS KON JAMAAT RUM 4:2 Iomraidhean Croise

KINOBAḺIAN 12:18

Bo ki datu in nogoiní kon i Abram bo noḻibó kon inia, “Onudon in pinomiamu kon inakó naa? Nongonu sin diábí pinogumanmu kon sia naa in ki buḷoimu?

KINOBAḺIAN 12:20

Bo ki datu in nomarentadon kon tongonumai in pogawainea nogatod kon i Abram iḻumuai minayá nongkon butá in Mesir takin ki buḷoinea bo bayongan kapunyaannea.

YEHEZKIEL 8:9

Guman-Nea kon inakó, “Tuotdon bo indoiaidon in aid mita mokotor bo inta mokorongó inta inaidan monia tua.”

SURAT I PAULUS KON JAMAAT RUM 15:17

Popisí in akuoi bo ain notobatú i Kristus Yesus, dá mosanangdon totok in ginaku, sin motaaudon in akuoi mogaid kon oaidan tatua kon i Allah.

KORINTUS 1 1:29

Tuamai in diábí tobatúmai intau in motaau kumaḷakuang kon i Allah.

KORINTUS 1 1:31

Nanaa in pinais kon Buk Motusi, “Intau inta moibog dumodia, maníka in sia dumodia kon onu inta aindon inaidan i Tuhan.”

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

KORINTUS 1 9:16

Sin akuoi in mopoyaput in Habar Mopia, deemanbí tongá mokikoontong kon intau. Táe ki Allahbí in nopotabá kon i nakó. Tuamai baradosaanbí in akuoi aka diá popoyaputku in Habar Mopia tatua!

KORINTUS 2 11:12

Onu in pinomiaku tanaa, tantúkubí doman aidan, sinbá diá in dodoyonan in “rasul mita” tatua in dumodia bo moguman kon mosia in mogaid naonda bo kami.

KORINTUS 2 11:30

Dá aka akuoi bo moduí kon onukadon, yo duíonku tua in kakurangankubí.

KORINTUS 2 5:12

Diábí bá dayowon monimu in kami. Kami in tongábí mobogoi in alasan mopia sinbá mopia in gina monimu kon i nami, bo bá motaau doman in moiko motubag kon singog in intau mita inta tongá momiḻí kon pogot, deemanbí oaidannea in indoian.

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

YOSUA 24:2

Onda intua ki Yosua noguman kon i monia komintan, “Indongogaipa onu inta pinoguman i Tuhan, Allah Israel kon inimu, ‘Tungkuḷ intua mogoguyangmu nogutun kon ḷoḷan in Ongkag in Eprat, bo nosumba kon dewa mita. Tobatú kon sigad monia tua tangoinea in ki Terah, ki amá i Abraham bo i Nahor.