SURAT I PAULUS KON JAMAAT RUM 4:18 - Alkitab Singog In Mongondow Masa In Tanaa

¹⁸ Ki Abraham in umuran mako moharap bo mopirisaya umpakabí diádon in harapan. Tuamai sia in nobaḻí ki amá in bayongan intau inta mopirisaya, ná inta pinais kon bonu in Buk Motusi, “Buímu in mobaḻídon mobayong totok.”

SURAT I PAULUS KON JAMAAT RUM 4:18 Iomraidhean Croise

AMSAL 13:12

Aka kamang diá intompodan, mororiga in gina; aka ibog kinodapotan, mosanang in gina.

YEHEZKIEL 37:11

Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.

LUKAS 1:18

Dá ki Zakharia in noḻibó kon malaekat tatua, “Nábí onda in kobobaḻí intua komintan? Kaminda motonibuḷoi naa in tumpaḷadon mogoguyang!”

OUMAN IN RASUL MITA 27:25

Tuamai utatku mita, umuran korigonon in gina! Sin akuoi in mopirisayabí totok kon i Allah kon bayongan tua in mobaḻíbí ná inta pinoguman-Neadon kon inakó.

SURAT I PAULUS KON JAMAAT RUM 4:17

Sin ki Allah in nogumandon kon i Abraham nanaa, “Iko ain binaḻí-Ku ki amá in bayongan intau inta mopirisaya.” Tua in dandi inta inogoi i Allah kon i Abraham. Bo ki Abraham in nopirisaya kon i-Nia. Sia tua in ki Allah inta nomiag kon intau minatoi, Siabí doman tua in ki Allah inta tongá takin singog in mogaid kon bayongan yagi-yagi inta diápa, mobaḻí oyúondon.

SURAT I PAULUS KON JAMAAT RUM 4:19

Kinotaauan bidon i Abraham tungkuḷ intua, kon diá bidon kumaan kon akaḷ aka sia bo mokouḻípa kon buí, sin nogoguyangdon in sia, bo umurnea in modiugdon mogatut notaong; natua doman in ki Sara, ki buḷoinea tua, in bantó, tongá umuran moḷoben in pirisaya i Abraham.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

SURAT I PAULUS KON JAMAAT RUM 8:24

Popisí in umuran moharap mako, dá posaḷamatonbí in kita. Táe aka onu inta iharap mako naton tua bo ontongondon naton, dá tua in deeman bidon harapon. Sin diábí in intau in moharap mako kon onu inta ain inontongnea mako?

IBRANI 6:19

Onu i harap mako naton tua in naonda bo jangkar inta noikanom mako kon tampat inta modaḷom totok bo nobaḻí kokadaian inta moropot totok bo mokoaman kon kobiagan naton. Onu inta iharap mako tua ain noidapot in yuang inta totok in motusi kon Baḷoi Tuhan kon soroga.