SURAT I PAULUS KON JAMAAT RUM 4:15 - Alkitab Singog In Mongondow Masa In Tanaa

¹⁵ Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

SURAT I PAULUS KON JAMAAT RUM 4:15 Iomraidhean Croise

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

YEREMIA 4:8

Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

OMBAḶ 2:22

Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

YEHEZKIEL 7:19

Buḷawan bo saḷaka in ḷumbúonbí monia kon daḷan naonda bo apat, sin kon singgai ki Tuhan mopoaid in torú-Nea, yo buḷawan bo saḷaka tua in diábí mokoposaḷamat kon i monia, nodapotbí in tongá mokopopisí kon i monia mogaid kon dosa. Diá bidon in mosia motaau mopomaké intua sin mopoorop kon ibog monia andeka pomonu monia kon sian.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

PINOGIAPAN 32:14

Bo tanaa, moiko momarontak ná tai amá mita monimu! Moiko nion in totuubí kon topaanan in intau mita binaradosa inta mokopomuká kon torú i Tuhan dumoko-dokot bui kon bangusa in Israel!

YOHANES 15:22

Aka kuma bo Akuoi in diá namangoi bo diá doman nopotaau intua komintan kon i monia, dá diábí in mosia baradosaan. Táe aka tanaa, yo diá bidon in baḻíon monia dodoyonan moguman kon diá dosaan in mosia.

YOHANES 3:36

Intau inta mopirisaya kon Adí tatua, mokouḻíbí kon kobiagan mopia bo mononoi, táe intau inta diá motoindudui kon Adí tatua, diábí doman mokouḻí kon kobiagan. Sia in umuran hukumon i Allah.

SURAT I PAULUS KON JAMAAT RUM 1:17

Sin pinongin Habar Mopia tatua ki Allah in nopoontongdon kon naonda in pogogaid sinbá hubungan in intau bo i Allah in moyoguḻitdon bui: aidnea kon tua in tongábí mopirisaya kon i Allah nongkon pinomangkoianpamai modapot in pangabisan. Tua in ná inta ain pinais kon bonu in Buk Motusi, nanaa, “Intau in nopirisayadon kon i Allah, sahingga in hubungannea takin i Allah notompiadon bui, bo intau tatua in mobiagbí!”

SURAT I PAULUS KON JAMAAT RUM 5:13

Sin wakutu in hukum in agama Yahudi naa diápa, dosa in koyongan bidon oyúon kon dunia naa. Táe diápabí irekengmai sin diápa in hukum i Musa.

KORINTUS 1 15:56

Bisa in popatoi tuata in dosa, bo dosa nopobayá in oaidannea mongin hukum in agama.

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

GALATIA 3:19

Dá aka natua yo onu in mangaḻe pinobogoian kon hukum i Musa? Nanaabí, hukum tatua pinodugang sinbá kotaauan oaid inta noitaḷá, nodapot kon buí inta pinodandi moiangoidon. Hukum i Musa tatua pinogumanbí in malaekat mita kon intau mita.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

KOLOSE 3:6

Soaḷ mita natua inta mokopomuká kon yaat in gina i Allah kon intau mita inta diá motoindudui kon i-Nia.

YOHANES 1 3:4

Intau inta nogaid kon dosa, noḷawangbí kon hukum i Allah; sin dosa tua in aidbí moḷawang kon hukum i Allah.

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.