SURAT I PAULUS KON JAMAAT RUM 4:11 - Alkitab Singog In Mongondow Masa In Tanaa

¹¹ Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

SURAT I PAULUS KON JAMAAT RUM 4:11 Iomraidhean Croise

KINOBAḺIAN 17:24

Ki Abraham in umur siow nopuḷú bo siow notaong tungkuḷ in sia sinunat

MAZMUR 47:9

Ki Allah in iḻimitú kon pomomarentaan-Nea inta motusi; Sia in nomarenta kon bangusa mita.

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

IḶUAIAN 31:13

mopotaau kon bangusa Israel, “Ḷukadai in singgai in Sabat, singgai inta ain sinantú-Ku mobaḻí singgai pogogaian. Modapot kon adí bo ompumu singgai tatua mobaḻí singgai ponanoban kon sigad i monimu bo kon i-Nakó, sinbá kotaauandon monimu kon Akuoi naa in ki Tuhan, bo binaḻí-Kudon in moiko bangusa-Ku tontaní.

IḶUAIAN 31:17

Singgai tatua in ponanoban tobatú inta motantú kon sigad in bangusa Israel bo kon i-Nakó, sin Akuoi, Tuhan, nomaḻídon kon ḷangit bo butá onom nosinggai koonggotnea, bo kon singgai noginpitu nogogaidon in Akuoi nogaid bo poḷat nomarakat.”

YEHEZKIEL 20:12

Pinotabá-Ku in mosia mohoromat kon singgai in Sabat nobaḻí tomponuot kon dodandian-Ku takin i monia, sin moponorop kon i monia kon Akuoi ki Tuhan, ain nopotondí kon i monia mobaḻí kapunyaan-Ku.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 8:11

Poguman-Ku kon i monimu! Mobayong in intau inta mamangoi nongkon pomukaan bo toyopan bo ḻimitú mongaan moyotakin i Abraham, i Ishak, bo i Yakub kon bonu in Dunia Mobagu i Allah.

LUKAS 19:9

Bo ki Yesus in noguman kon inia, “Singgaipa doman naa moiko motoḷuadí pinosaḷamat i Allah bo inogoian in kobiagan mobagu, sin iko nion in ki adíbí doman i Abraham.

YOHANES 3:33

Sin intau inta mopirisaya kon onu inta inouman-Nea tatua, akúonneabí kon ki Allah tua in mobanar.

YOHANES 3:36

Intau inta mopirisaya kon Adí tatua, mokouḻíbí kon kobiagan mopia bo mononoi, táe intau inta diá motoindudui kon Adí tatua, diábí doman mokouḻí kon kobiagan. Sia in umuran hukumon i Allah.

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:40

Totuu, naabí in kinoibog i Amá-Ku: Bá bayongan intau inta nokoontong kon Adí bo nopirisaya kon i-Nia mokouḻí kon kobiagan mopia bo mononoi, bo mobiag bui kon singgai ponantúan.”

YOHANES 6:47

Pokotaaudon: Intau inta mopirisaya, oyúonbí in kobiagan mopia bo mononoi.

YOHANES 8:33

Mosia in noguman, “Kami naa in buíbí i Abraham, kami in diápabí dodai onda in nobaḻí ata i inekadon! Yo onu i makusud-Mu in moguman, ‘Moiko in poḷuatonbí’?”

SURAT I PAULUS KON JAMAAT RUM 10:11

Kon bonu in Buk Motusi ain pinais nanaa, “Intau inta mopirisaya kon i-Nia in diábí pokopooyáanmai.”

SURAT I PAULUS KON JAMAAT RUM 10:4

Hukum agama in Yahudi ain inintompodan i Kristus. Manangka intua intau inta mopirisaya kon i Kristus, hubungannea takin i Allah in motompiadon bui.

SURAT I PAULUS KON JAMAAT RUM 10:6

Táe aka moyodame i Allah sin podoyon kon pirisaya, yo nanaa in pinais kon Buk Motusi, “Dikadon in iko mosingog kon bonu in ginamu, ki ine in momonik in soroga? (mangaḻenea modia kon i Kristus moponag),

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

SURAT I PAULUS KON JAMAAT RUM 3:26

Táe tanaa in hukumon-Neabí ki ine in mogaid kon inta diá mopia sin moponiata kon moadilbí in Sia. Aid-Nea tatua in moponiatabí kon Sia tua in totu-totuubí mobanar; bo pomuḷoi intau inta mopirisaya kon i Yesus, pinoniata-Neadon saḷaku intau inta ain noyopia bui takin i Allah.

SURAT I PAULUS KON JAMAAT RUM 3:30

Sin ki Allah tua in tongábí tobatú. Siabí tua inta nobogoi in kasampatan kon intau mita in Yahudi noyopia bui takin i Allah sin pinodoyon doman kon pirisaya monia. Bo Siabí doman tua inta nobogoi in kasampatan kon intau ibanea mobiag moyopia takin i Allah, bo tua in nobaḻí doman popisí in mosia mopirisaya.

SURAT I PAULUS KON JAMAAT RUM 4:10

Dá degá kon dodai in onda intua in pinoontong i Allah? Kon wakutu degá in sia diápa sinunat ande kon wakutu in sia sinunatdon? Tantú kon wakutubí in sia diápa sinunat, deemanbí bain sinunat mako.

SURAT I PAULUS KON JAMAAT RUM 9:30

Dá, nanaa in kasimpulannea: Bangusa mita ibanea inta deeman Yahudi in diábí moramuji konbá motompia bui in hubungan monia takin i Allah. Táe popisí in mosia mopirisaya, dá sinompiadon bui i Allah in hubungan monia takin-Nea.

SURAT I PAULUS KON JAMAAT RUM 9:33

Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

SURAT I PAULUS KON JAMAAT RUM 9:6

Deemanbí makusudku moguman kon dandi i Allah in diádon pakéon; táe deemanbí komintan intau Israel in umat inta piniḻí i Allah.

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

GALATIA 3:7

Yo bá kotaauan monimu kon intau inta totu-totuu mopirisaya kon i Allah, yo mosia tua in buí i Abraham.

GALATIA 5:5

Táe aka kon i nami, kami in tongábí moharap mako kon totabi i Allah sin pinodoyon kon pirisaya kon i Kristus, ki Allahbí in mobogoi in kasampatan mobiag moyodame bui takin-Nea.

GALATIA 6:16

Kon bayongan intau inta umuranpa nokadai kon atorang tatua bo bayongan doman intau inta dinumudui kon ibog i Allah, umuran igumonku mako sinbá ki Allah in mobogoi in kobiagan motompia bo barakat-Nea.

EPESUS 1:13

Moiko nion aindon nobaḻí umat i Allah wakutu in moiko nokodongog kon koyow i Allah. Koyow tatua in Habarbí Mopia inta mobogoi in kasaḷamatan kon i monimu. Moiko in nopirisaya kon i Yesus Kristus, tuamai sinontandáan-Neadon in moiko saḷaku kapunyaan-Nea. Tanda-Nea tatua in Rohobí mokudus inta pinodandi-Nea.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

WAHYU 9:4

Mosia tua in diábí inogoi momoguyaat kon bonok, ande kayu mita, ande pinomuḷa ibanea mako. Táe ogoibí in mosia mogaḷow kon intau mita inta diá kinompitan in meterai i Allah kon pogotnea.