SURAT I PAULUS KON JAMAAT RUM 3:9 - Alkitab Singog In Mongondow Masa In Tanaa

⁹ Dá aka natua, yo degá kita naa in noiḻiu kon intau mita inta deeman Yahudi tua? Diábí in kita noiḻiu! Aindon pinogumanku muna, kon intau in Yahudi andeka bangusa ibanea, komintan bidon kinawasa in dosa.

SURAT I PAULUS KON JAMAAT RUM 3:9 Iomraidhean Croise

AMSAL 20:9

Oyúon degá in intau inta motaau mosingog, “Ginaku in modarit, akuoi in noiḷuatdon kon dosa?”

YESAYA 65:5

Mosia in noguman ‘Bayádon koyayú, dika moḻiai kon inami sin kami in motusi bo noitondí nongkon i monimu!’ Akuoi in diádon mokoigon in mokoontong kon dodia monia! Torú-Ku kon i monia in naonda bo tuḷú inta diá mopio-piong.

LUKAS 7:39

Naonda in inontong intau in Parisi inta nogoiní kon i Yesus nongaan, sia in nosingog kon bonu in ginanea, “Aka Sia naa bo totu-totuu nabi, yo tantú kotaauan-Neabí doman kon bobay tatua intaubí inta totok in binaradosa!”

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

SURAT I PAULUS KON JAMAAT RUM 11:32

Sin ki Allah in nopomayádon mako kon bayongan intau kinawasadon in aid mita inta diá motoindudui, sinbá Sia in motaau mopoontong in tabi-Nea kon i monia komintan.

SURAT I PAULUS KON JAMAAT RUM 11:7

Dá naonda degá? Intau in Israel diá nokouḻí kon onu inta sinayak monia. Tongábí topiḻik in intau mita inta ain piniḻí i Allah in nokouḻí. Intau mita ibanea aindon notogat in gina monia in mokodongog kon oiní i Allah.

SURAT I PAULUS KON JAMAAT RUM 2:1

Manangka intua, utat mita ki inebí in iko nion sin mohakim kon intau ibanea? Iko tontaní in kotaḷábí doman! Aka iko bo mopotaḷá kon intau ibanea, bokaka tumpaḷa nogaid kon ná inta inaidan monia tua, dá in mangaḻenea kon tua, ikodon tontaní in nopoḷabú in hukuman kon inimu tontaní.

SURAT I PAULUS KON JAMAAT RUM 3:1

Aka natua, yo onu in kauntungannea in mobaḻí intau in Yahudi? Bo onu in baragunanea in dumudui kon atorang in sunat?

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

SURAT I PAULUS KON JAMAAT RUM 6:15

Tanaa, onu degá in simpodnea? Degá motaau in kita in mogaid kon dosa, sin kita in diádon nobiag kon bonu in kawasa in hukum agama Yahudi, táe nobiag bidon kon bonu in kawasa in totabi i Allah? Diábí motaau!

SURAT I PAULUS KON JAMAAT RUM 7:14

Kinotaauanbí naton kon hukum in agama Yahudi tua in nongkon Rohobí i Allah; táe akuoi in tongábí intau ilo-ilow. Akuoi ain pinotaḷui mobaḻí ki ata in dosa.

KORINTUS 1 10:19

Onu degá in mangaḻe in singogku naa? Berhala andeka kaanon inta pinosumba kon berhala, komintanbí diá in mangaḻenea.

KORINTUS 1 14:15

Dá onubí in musti aidanku? Tanaa in aidanku: Aka rohoku mosambayang yo akuoi in dumudui doman mosambayang kon bonu in raianku. Akuoi in modondong takin rohoku táe akuoi in moibog doman modondong takin raianku.

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

PILIPI 1:18

Táe diábí nongonu! Naondakabí in pogogaid monia kon mopotaau in Habar Mopia soaḷ ki Kristus; makusud mopia ande diá, tatap habar soaḷ ki Kristus pinotaaubí doman, dá mosanangbí in ginaku,