SURAT I PAULUS KON JAMAAT RUM 3:10 - Alkitab Singog In Mongondow Masa In Tanaa

¹⁰ Ná inta pinais kon bonu in Buk Motusi nanaa, “Diábí tobatúmai intau inta mobanar,

SURAT I PAULUS KON JAMAAT RUM 3:10 Iomraidhean Croise

AYUB 14:4

Motaau degá in intau baradosa mokopoangoi kon inta motompod?

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 15:16

Apadoman intau inta moraat bo tangoinea in diádon mopia, inta nonginum kon moraat naonda bo tongá tubig.

AYUB 25:4

Degá intau motusi kon mata i Allah? Degá nodarit kon tayowon-Nea?

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

MARKUS 10:18

Dá ki Yesus in noḻibó kon inia, “Nongonu sin iko in mogumanbí kon Akuoi in mopia? Diábí in mopia, koḻikudbí in ki Allah tontaní.

SURAT I PAULUS KON JAMAAT RUM 11:8

Sin kon bonu in Buk Motusi ain pinais nanaa, “Binaḻídon i Allah in mosia naonda bo nosiug; bo dapot kon singgai naa mata monia in diá mokoontong bo bongoḷan monia in diá mokodongog.”

SURAT I PAULUS KON JAMAAT RUM 3:11

diábí tobatúmai intau inta nomangarti bo diábí doman tobatúmai in intau in nosumba kon i Allah.

SURAT I PAULUS KON JAMAAT RUM 3:23

Intau in komintan bidon binaradosa bo noyayúdon kon i Allah inta moposaḷamat kon i monia.

SURAT I PAULUS KON JAMAAT RUM 3:4

Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

PETRUS 1 1:16

Kon bonu in Buk Motusi in pinais nanaa: “Kotusibí in moiko, sin Akuoi in motusi.”

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.