SURAT I PAULUS KON JAMAAT RUM 2:5 - Alkitab Singog In Mongondow Masa In Tanaa

⁵ Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

SURAT I PAULUS KON JAMAAT RUM 2:5 Iomraidhean Croise

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

AYUB 21:30

Guman monia, “Kon singgai ki Allah nopoḷabú in hukuman, intau mita moraat in posaḷamatonbí.”

MAZMUR 110:5

Ki Tuhan in kon dotá in koḷananmu, aka Sia bo tumorú yo datu mita in taḷowon-Neabí.

MAZMUR 95:8

“Dika tumontogat naonda bo mogoguyangmu kon Meriba, naonda kon tungkuḷ in mosia kon Masa, kon padang gurun.

IḶUAIAN 14:17

Potogaton-Ku in gina Intau in Mesir bá umuran aḷowan monia in intau in Israel, bo poontong-Kudon in kawasa-Ku kon i datu in Mesir, kon tontaranea, kon keretanea mita bo mododianea.

IḶUAIAN 32:34

Bayádon in tanaa, bo diádon in mosia kon tampat inta ain pinotaau-ku kon inimu. Malaekat-Ku in mokapit kon inimu, táe moiangoibí in wakutunea intau mita hukumon-Ku popisí in taḷá mita monia.”

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

AMSAL 1:18

táe intau mita inta moraat tatua in motaan kon potait kon i monia tontaní – potait inta mokobodito kon i monia.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

AMSAL 28:14

Horomatbí tantú in ki Tuhan, dá mosanang in iko. Aka iko moḷawang kon i-Nia, moboditobí in iko.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

MOHOHUTUBA 12:14

Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YEREMIA 40:3

Tanaa inaidan-Neadon intua, popisí in bangusamu ain binaradosa bo diá motoḷutui kon i-Nia.

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

YEHEZKIEL 3:7

Táe bangusa in Israel in doíbí mokidongog kon inimu, nodapot in Akuoi in diábí doman pinandungmai monia. Mosia komintan pamandot bo moibog momaḷawang.

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

HOSEA 13:12

Ki Tuhan in noguman, “Dosa bo taḷá in Israel pinaisdon bo sinagú.

AMOS 3:10

Ki Tuhan in noguman, “Intau mita tatua nomonu kon komaḻig monia in pakakat mita inta inagow takin aid moḻingá. Nodapot in mosia totokbí in diá mojujur.

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

ULANGAN 32:34

Ki Tuhan nokotorop kon dodia in musung in umat-Nea bo mohukum kon i monia kon wakutunea.

TESALONIKA 2 1:5

Bo noniatadon kon naa kon moadilbí totok in pononantú i Allah: Lantaran moiko bo nobiagdon nororiga sin popisí noramuji tumuot kon Dunia Mobagu i Allah, dá moiko in patusdon tumuot kon dunia tatua.

IBRANI 3:13

Manangka intua bá diá tobatúmai in kon sigad monimu in kotombodokan in aid inta moraat bo moḷawangdon kon i Allah, dá umurandon positongginaan in moiko pomuḷoi in singgai wakutu in tumpaḷapa nobiag kon masa inta sinangoian kon Buk Motusi “Singgai in Naa”.

IBRANI 3:15

Tanaa in pinais kon Buk Motusi, “Aka singgai naa mokodongog in moiko kon singog i Allah, yo donaai kotogaton in gina, ná mogoguyangmu, wakutu in mosia nomaḷawang kon i Allah.”

IBRANI 4:7

Sin ki Allah in nonantú domandon kon singgai ibanea inta sinangoian “Singgai Naa.” Bo naonda in tongonumaidon notaong noiduduimai kon tua, ki Allah in bui nosingog kon soaḷ tatua pinongin i Daud, kon bonu in tontagá inta pinais koina, nanaa, “Aka singgai naa mokodongog in moiko kon singog i Allah, yo donaai togaton in ginamu.”

YAKOBUS 5:3

Buḷawan bo saḷakamu ain kinokoḷoban komintan in kaḻiotá, kaḻiotá tatua in mobaḻí sakusi moḷawang kon i monimu bo daitonnea kaanon in awakmu naonda bo tuḷú. Moiko ain nosipun kon kapunyaan kon singgai mita pangabisan.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.

WAHYU 2:21

Sia inogoian-Kudon in kasampatan mogogai in mogaid kon dosanea mita, táe doíbí in sia mogogai mogaid kon soaḷ mita inta mokotor tua.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.