SURAT I PAULUS KON JAMAAT RUM 2:21 - Alkitab Singog In Mongondow Masa In Tanaa

²¹ Ki utat in motundú kon intau ibanea, yo nongonu sin iko in diábí motundú kon inimu tontaní? Ki utat in motundú kon dika monakow, yo nongonu sin iko in monakowbí!

SURAT I PAULUS KON JAMAAT RUM 2:21 Iomraidhean Croise

YESAYA 42:20

Israel, nobayong in inontongmu, táe diá sinaridianmumai, bongoḷanmu in nobuká, táe iko in diá nokidongog.”

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MATIUS 21:13

Bo Sia in noguman kon i monia nanaa, “Aindon pinais kon Buk Motusi, ‘Baḷoi-Ku in tangoionbí Baḷoi Pososambayangan.’ Táe inaidanbí monimu pugad in mogogagow!”

LUKAS 11:46

Táe ki Yesus in notubag, “Koboditodon doman moiko inta mototundú mita kon agama! Sin moiko in mogaid kon atorang mita inta mobogat aidan, táe moiko tontaní in doíbí dumudui kon atorang tatua.

LUKAS 12:47

Bobantung mita inta ain nonotaau kon onu in kinoibog i tuangnea táe diá mobasadia bo diá doman mogaid kon inta kinoibog i tuangnea tua, yo sia in totokbí in ḷuntaan.

LUKAS 19:22

Dá datu tatua in noguman kon bobantungnea tatua, ‘Ei bobantung inta moraat! Poduduidon in singogmu mita tatua dá hukumonku in iko. Kinotaa-taaumubí mako kon akuoi naa intaubí inta totok motogat bo inta moibog mogamá kon onu inta deeman kapunyaanku bo inta moibog doman mokoyut kon inta deeman pinomuḷaku.

LUKAS 4:23

Dá ki Yesus in noguman nanaa, “Tantú nanaabí in singogon monimu kon i-Nakó, ‘Ei mongongundam, undamaidon in awak-Mu tontaní. Bo aidai domandon kon naa, kon ḻipú-Mu tontaní in onu inta ain dinongog nami inaidan-Mu kon Kapernaum!’ ”

KORINTUS 1 9:27

Táe ain bidon muna ilatihku in awakku bo nodaitku bidon kinawasa. Sinbá aka akuoi in modia kon intau tumakin kon poyotandingan tatua, yo akuoi in tantúbí doman tarimaan.

GALATIA 6:13

Sin mociapa inta nokisunat diábí doman dinumudui kon hukum i Musa. Táe ibogon monia in moiko musti mokisunat, sinbá mosia in motaau dumodia, sin moiko in noibog dinumudui kon atorang tatua.