SURAT I PAULUS KON JAMAAT RUM 2:19 - Alkitab Singog In Mongondow Masa In Tanaa

¹⁹ Bo moiko noyakinbí kon moiko nion itoi in intau bilog bo nobaḻí bayag kon i monia inta nobiagpa kon sindip;

SURAT I PAULUS KON JAMAAT RUM 2:19 Iomraidhean Croise

AMSAL 26:12

Intau inta totok in bodok in mopia-piabí kon intau inta tumangoi mopandoi.

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

YESAYA 5:21

Moboditodon in moiko inta tumangoi mobijaksana bo mopandoi totok!

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

MATIUS 15:14

Pomayádon mako intau mita natua. Sin mosia tua in intau bilog inta motundú kon daḷan kon intau doman bilog. Sin aka intau bilog bo mokapit kon intau doman bilog, yo tumpaḷabí in taya dua moḷabú kon bubú.”

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

MATIUS 5:14

Moiko bayag in dunia. Ḻipú inta kon tudu in buḷud diábí moibuni.

MATIUS 6:23

Táe aka matamu bo moraat, yo mosindip doman in bayongan awakmu. Dá aka togá kon inimu bo mopiongdon, yo mosindipdon totok in doḷom tatua!”

MARKUS 10:15

Torop in naa! Ki ine in mayá tumayow kon i Allah bo diá ná mongoadí mita tanaa, yo sia in diábí mobaḻí umat i Allah.”

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

SURAT I PAULUS KON JAMAAT RUM 2:18

Moiko in nokouḻí kon totundú mita nongkon hukum tatua, dá kinotaauanmudon onu in kinoibog i Allah bo motaau domandon monantú kon onda inta mopia.

SURAT I PAULUS KON JAMAAT RUM 2:20

bo nobaḻí doman guru kon i monia inta nobodokpa, bo kon i monia inta nobogápa. Yo iko in noyakin bidon kon bonu in hukum agama Yahudi, mokouḻí bidon in iko kon bayongan pongotahuan bo totundú inta nobanar.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

KORINTUS 1 4:10

Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.