SURAT I PAULUS KON JAMAAT RUM 16:10 - Alkitab Singog In Mongondow Masa In Tanaa

¹⁰ Salam kon i Apeles. Kotoinduduinea kon i Kristus aindon nouji. Salam doman kon motoḷuadí i Aristobulus,

SURAT I PAULUS KON JAMAAT RUM 16:10 Iomraidhean Croise

SURAT I PAULUS KON JAMAAT RUM 14:18

Intau inta nobantung natua kon i Kristus, sia tua inta mokosanang kon gina i Allah, bo sia in horomaton doman in intau ibanea.

SURAT I PAULUS KON JAMAAT RUM 16:3

Poyaputpa in salamku kon i Priskila bo kon i Akwila, bo kon yobayatku mita inta tumpaḷa nogaid kon oaidan i Kristus.

SURAT I PAULUS KON JAMAAT RUM 16:7

Poyaputpa doman in salamku kon i Andronikus bo kon i Yunias. Mosia tua in toḻipúanku bo nokoimontandon in sinumuot kon ponjara takinku. Wakutu in akuoi diápa nopirisaya kon i Kristus mosia in munadon nopirisaya. Tangoi monia tua in kinotaauan bidon totok in rasul mita.

SURAT I PAULUS KON JAMAAT RUM 8:11

Bo aka Roho i Allah inta ain nomiag bui kon i Kristus nongkon kinopatoian, bo nobiagdon kon ginamu, dá Sia inta ain nomiag bui kon i Kristus tua nongkon kinopatoian tatua, in momiagbí doman kon awakmu inta diá mononoi nion. Sia in mogaid kon tua takin Roho-Nea inta nobiag kon bonu in gina monimu.

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

KORINTUS 2 12:2

Kon bonu in oontongon tatua, kinotaauanku in intau inta noibingkat monik kon soroga tatua, mopuḷúbí bo opat notaong inta noitaḻibdon. (Diá doman notarangku totok mongo takin awaknea in noibingkat tatua mongo tongábí noiḷabot magí kon mataku – tongábí ki Allah in nonotaau kon tua.)

KORINTUS 2 2:9

Suratku tanaa in monungkuḷbí kon i monimu, mongo moibogpa ande doídon degá in moiko mokidongog kon onu inta pinogumanku kon i monimu.

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

KORINTUS 2 8:22

Koḻikud in ki Titus bo ki utat naton tobatú tua, kami in nopotabá doman in tobatú utat naton ibanea mako. Sia tua in inujibí domandon nami, bo noniatadon kon umuranbí in sia moibog motuḷung. Sedang ibogonnea in bá tanaa bidon mako, sin totok moḷoben in harapannea kon i monimu.

GALATIA 1:22

Táe wakutu intua jamaat mita inta kon Yudea, diápabí nonotaau kon inakó, sin diápa inontong monia.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

PILIPI 2:22

Sin inontong bidon monimu tontaní kon ki Timotius tua in nokobaragunabí kon inakó. Sia in totu-totuudon nogaid takinku nopotaau magí-mako in Habar Mopia inta nongkon i Allah. Kaminda naa in nádon onda guyanga bo adí.

TIMOTIUS 1 3:10

Munapa ujion in mosia tua. Aka kotaauandon kon motuḻidbí in gina monia, bain tua bo motaau in mosia mobantung kon jamaat.

TIMOTIUS 2 4:19

Poyaputpa in salamku kon i Priskila bo kon i Akwila bo kon tombonu in baḷoi i Onesiporus.

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.