SURAT I PAULUS KON JAMAAT RUM 16:1 - Alkitab Singog In Mongondow Masa In Tanaa

¹ Popokanalkudon kon i monimu in ki utat naton bobay, ki Pebe in tangoinea, sia in nobantung kon jamaat inta kon Kengkrea.

SURAT I PAULUS KON JAMAAT RUM 16:1 Iomraidhean Croise

MATIUS 12:50

Sin ki inekabí inta mogaid kon inta kinoibog i Amá-Ku kon soroga, yo sia tua in ki utat-Ku mita ḷoḷaki, bo ki utat-Ku bobay, bo sia in ki iná-Ku doman.”

MARKUS 10:30

yo intau tatua in motarimabí kon moanto-antó nongkon inta oyúon masa inta naa. Sia in bui mokouḻí kon kogatut noguntuḷ in kobayong baḷoi, utat ḷoḷaki, utat bobay, iná, adí mita, gobá, bo umpakabí koantugan doman in roriga pomogutúan. Táe kon singgai moiduduimai intau tatua motarima kon kobiagan mopia bo mononoi.

LUKAS 8:3

ki Yohana, inta ki buḷoi i Khuza, bendahara i Herodes; ki Susana, bo nobayongpa doman in bobay ibanea. Onu in pakéon monia kon tungkuḷ in nobantung kon i Yesus bo kon murí-Nea mita, sinanggungbí monia tontaní.

OUMAN IN RASUL MITA 18:18

Onda intua ki Paulus nogutunpa kon Korintus tongonumai nosinggai. Diá noonggot kon tua sia in nogumandon kon intau mita inta mopirisaya kon tua kon mayádon takin i Priskila bo i Akwila kon Siria in sia. Kon Kengkrea, ki Paulus nokibangkuḷugdon in buoknea sin mogintompod kon dandinea kon i Tuhan.

KORINTUS 2 3:1

Degá koontongan kon kami naa in naonda bo dumuípa tontaní? Andeka degá moparaḷubí in kami kon surat dodayow kon i monimu ande nongkon i monimu, ná inta kinoibog in intau mita ibanea?

TIMOTIUS 1 5:2

Aka guyanga mita bobay dá pomia doman in mosia ná ki inámu tontaní. Natua doman in mongodeaga mita, pomia doman ná ki ai-aimu tontaní bo kotuḻidbí in gina.

PILEMON 1:2

bo kon jamaat inta noyosipun kon baḷoimu; bo kon i utat doman naton bobay ki Appia bo yobayat toporjuangan naton, ki Arkhipus.

YAKOBUS 2:15

Aka kuma tobatú utat ḷoḷaki ande bobay diá in pakeang bo diá in kaanon inta tugat kaanon pomuḷoi in singgai.