SURAT I PAULUS KON JAMAAT RUM 15:7 - Alkitab Singog In Mongondow Masa In Tanaa

⁷ Manangka intua poigumonku kon i Utat mita, moiko in musti umuran mositarimaan takin sanang in gina, notongkai ná pinototarima i Kristus kon i naton sin mopomulia kon i Allah.

SURAT I PAULUS KON JAMAAT RUM 15:7 Iomraidhean Croise

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

MARKUS 9:37

“Intau inta motarima kon tobatú adí ná tanaa popisí in nopirisaya kon i-Nakó, yo tua in mangaḻenea sia in notarima kon i-Nakó. Bo intau inta notarima kon i-Nakó, sia tua in deemanbí tongá notarima kon i-Nakó, táe notarima domandon kon i-Nia inta nopotabá kon i-Nakó.”

LUKAS 15:2

Dá intau mita in Parisi bo mototundú mita kon agama nomangkoidon mongunsingog, kai monia, “Sesé ah, intau tanion moibogbí motarima kon intau mita inta diá mopia, bo mongaan doman moyotakin monia!”

LUKAS 9:48

Bo Sia in noguman kon murí-Nea mita, “Intau inta notarima kon adí tanaa sin nokotorop kon i-Nakó, yo tua in mangaḻenea sia notarima kon i-Nakó; bo ki ine in notarima kon i-Nakó, yo sia in notarima doman kon i-Nia inta nopotabá kon i-Nakó; sin ki ine moompá in dodia kon sigad monimu komintan, yo siabí tua in moḷobe-ḷoben!”

YOHANES 13:34

Akuoi in mobogoi in parenta mobagu kon i monimu: Moiko in mustibí mositabian tobatú bo tobatú. Ná Akuoi motabi kon i monimu, dá moiko in musti mositabian doman natua.

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

SURAT I PAULUS KON JAMAAT RUM 15:9

Pinomia doman i Yesus in bangusa mita ibanea mopomulia kon i Allah popisí kopopia in gina-Nea kon i monia. Kon bonu in Buk Motusi in pinais nanaa, “Tuamai akuoi in modayow kon ini-Mu kon sigad in bangusa mita, akuoi in mopodondongbí in dodayowku podayow kon tangoi-Mu.”

SURAT I PAULUS KON JAMAAT RUM 5:2

Popisí in kita mopirisaya kon i Yesus, dá inogoian-Nea in kasampatan in kita motarima kon tabi i Allah, bo totabi tatua in mokobiag kon i naton tanaa mako. Tuamai moḷunganga totok in gina naton sin oyúon in harapan naton mokoalami kon kobiagan mopia inta inogoi i Allah!

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.